功課。改野後記

今日交左改人地件野既功課。雖然老師同學都覺得好好。
做到保留好既既Detail。感覺又唔同晒。。
雖然值得開心。但對我來講。始終無"愛"果種應覺。。

今日我自告奮勇舉手出去Present。因為我真係好鬼驚自己心跳愈來愈快。。
唔知做咩。出去講又無事。剩係"等"果下。個心就跳得好快。。
一心跳。我就唔會記得自己講咩。之後手又震啦。口又震﹗﹗
痴線~ 所以我好鐘意推自己出去。無啦啦舉手等自己無得坐響度驚﹗﹗
嘿嘿嘿~~ 係咪好變態呢~~ 真係架。次次舉手出去都無事架﹗﹗

 今日好多同學都得人地件野幾有創意。而我果件呢~ 就係Tony改既。。
當佢就快Present完。佢無啦啦講左番說話令到我好Surprised。亦好心照。。

"The reason I picked Kelly's dress was b'cos Kelly always does nice cutting,
details, that I can never make.. so.. I wanna challenge myself
to see if I can make things like she does.."

大致上係咁。我當時聽到個感覺好愕然。我唔知佢會咁講。。
我。甚至有D覺得當之有愧。其實。我都只係學習當中。。
真係講唔上叻過其他人。特別是Tony。佢創作天份好高。好有果種熱誠。。
可能係因為出自佢口。所以感覺好強烈。。
~ 正所謂識英雄重英雄﹗ ~

呢件就係佢改左我條裙喇~ 哈~
佢拆左一半。下面整左做裙褲。好似拉丁果種。。
上身好似喇嘛。合晒佢何車啦﹗﹗
正面影。果面多details靚d架~

而呢件。就係佢既 3碼布功課。未被人改之前~
係咪有點 Mercibeaucoup, 既影子呢~
呢件呼拉圈外套。加連身tube pants。佢真係會著出街架﹗﹗

講開Tony。佢係除左阿Nat之外。我另一個返學Buddy。。
佢呀?? 應該係越南mix。幾型仔架。。
上年個Show佢自己吹左件手套裝上場。狂吹。勁爆﹗﹗

又講返自己。今日落左10點堂。又係3粒鐘break。。
由於另一堂星期四 Mid-term。迫到埋身。再唔讀就 ﹗﹗
我自己乖乖地走左去拉記。坐左兩粒鐘。。
意料中事。睇下書又四圍望下。心散到呢~ 真係一個細路仔都可能專心過我~
睇左兩粒鐘。都睇唔晒一個chapter。。
睇睇下。太眼訓。要揾野醒醒神~
反轉張notes。就畫左下一份車衫堂既功課出黎~~
諗一諗野。當堂醒晒。又可睇多幾頁書。。

呢份功課叫 Industrial Garment。揾工業物料做一件穿得上身既衫。。
唔准用布support。唔準用任何平時會用既物料。。
諗起都興奮。我已經知自己會整咩喇~~
快D過埋星期四。我就可以開始動手啦﹗
簡直係荒野中既一點綠洲。。  給我人生希望啦~~~

我將用既材料 : Painting Roller Covers。Bubble Wraps。Wires。Plastic Tape