執靚樣法寶。。
我就諗。我平時好少化妝。係有D咩Function先會擦下眼影。睫毛膏呀咁~~
不過最勇都係擺酒果日個妝。我自己化~~
而家諗返起。都有少少驚。好彩無炒到。如果唔係認真後悔。。
其實化妝呢。我就真係無咩秘訣。但我覺得。。
粉底要選比自己膚色深少少既。千祈唔好白過自己。如果唔係好嚇鬼~
眼影就要襯返自己膚色啦。。
白皮膚既就好多 Choices。彩藍呀。綠呀。黃呀。。好多都得。。
黑 / 黃皮膚既。好似我咁。就earth tone。金呀。閃啡呀。。總之唔好太鮮啦。。
唔。其實深入d既化妝。好似畫眼線呀。打陰影呀。我完全唔曉架﹗﹗
話時話Kitty你做咩咁睇得起我呢??
不過等我話比大家知我呢幾年幾經歷啦﹗﹗ 真係一個惡夢呀﹗﹗﹗
話說04年暑假返左香港。同一個女朋友去左日本玩啦。。
一向唔化妝唔擦粉底既我。無啦啦走去用左包試用裝。買Elle送果d呢。。
咁在日本果幾日。就化左少少妝出街喇。。
無錯。在日本個個都化妝。唔執下好似好烏where架嘛﹗
見幾好用喎。返到香港。咪買左一支返工用囉。。
(係呀。諗住返黎放暑假。點知揾左份工。無走到~ )
擦呀擦。擦呀擦。塊面就開始起粒粒喇~~
點知一起﹗﹗ 就起左三年﹗﹗﹗﹗ 痴~~線~~架~~~
可能在香港做野壓力大。加上春天時潮濕到死。我屋企張臺角可以發霉既﹗﹗
塊面無論做幾多次Facial。轉幾多次護膚品。都回復唔到昔日既皮膚。。
唉。。我呢幾年簡直在黑暗中渡過。成日要用粉遮。。
愈遮就愈衰。愈衰又愈遮。。
爛面既日子。令我成日發weak7脾氣。佢唯有不斷鼓勵我。
氹我話好快會好番。又比錢我做Facial。。
之前返香港時。大家都諗。今次返去我塊面一定又再嚴重喇﹗﹗
如我地所料。塊面爆得好勁﹗﹗﹗ 我都放棄架喇。爆啦爆啦~
點知﹗返完香港。我塊面突然好起來呀﹗﹗﹗﹗
天啊~~ 已經好幾年無見過自己好皮膚喇~~~
係佢自己好返架。我都唔知點解。又無特別做過D咩。。
由於皮膚開始好起來。我要好小心。唔可以用錯護膚品。要勤D做Facial保護佢呀﹗
其實我懷疑今次大步攬過。係我用左呢隻Biotherm既Aqua Non-stop Gel。。
因為我屬於綜合性皮膚。T油U乾。所以唔擦得cream狀既野。。
同臺轉左用Clinique呢隻乾粉。出門口前印一印就得。勁快。。
之前用濕粉較果係好。但好易入晒d毛孔。攪到塞住左起粒粒。。
用乾粉。過左一陣有少少面油既時候。就會有同樣貼面既效果喇~~
另外推介呢支遮瑕筆。都係Clinique既。叫Air Brush Concealer。。
而家我淨係有少少印既話。就篤兩篤。粉都唔使擦~~
哇~哈哈哈~~ 估唔到等左3年。我又可以唔使擦粉。唔使再遮遮掩掩啦~~
呢件事令到我同weak7都好興奮啦﹗﹗
天啊﹗﹗ 塊面無啦啦好返。簡直係一個奇蹟﹗﹗﹗