朋友自製 結婚卡


琴晚打風落雨。因為老公今朝又OT (連續 "O"左兩日)。。
所以我地一早10點就上床。。。訓覺﹗﹗
點知快訓著之際。阿囡(Shirley)就打黎。問我訓左未。又話想上黎探下我。。
見我已經訓著咁滯。佢都唔好意思。就收左線。。
點知﹗過多幾分鐘。當我再見到周公背影時。條死婆又打黎﹗﹗
響聲嚇到我同老公心跳加速 (大家應該明白果種比人嚇醒既感覺~)
原來阿囡話黎到我留下。叫我落去開門。。
XYZ@%$。。頭先又唔講﹗﹗
我烏下烏下。眼鏡都無戴。落到去。。
原來佢同阿貓黎左。送張卡比我~~
我地係門口講左兩句。佢倆打完牌去食野。我就返上去啦~~

入房一打開張卡﹗﹗ 哇﹗﹗ 整得好有心思呀~
載滿好多好朋友既祝福。好感動呀~~
我開左一盞暗黃燈。慢慢品嘗呢張卡。同埋卡上既祝福。。
可能夜欄人靜啦。我有點淚光啊~~
其實在我來說。得到朋友既祝福。一張卡。真係比起任何野重要。。

做朋友。最緊要係有心。。
多謝你地啊~~~ 大家都要幸福快樂~~~~

卡既前後面。。

朋友既祝福。。

有一頁係相集。仲要係最懷舊既揭揭式

就係呢兩條友攪鬼~~

其中一張係註冊大合照~~

"阿喱吉多"﹗﹗﹗
"和挨屎呢忟"﹗﹗﹗

還有好多我們家的最新動態在FB專頁上唷!歡迎點Like加入大家庭! »