曼谷 08 (Day 2)
不過無出埠都唔緊要。因為我會。。。
再帶大家到曼谷玩啦﹗﹗﹗ (係咪好開心呢~~ )
2008 / 1 / 11 (第二天)
今日出門口。計劃去"Playground" 。係一個潮mall(網友話)。。
我地搭BTS。由Asok站去Thong Lo站。約5分鐘。好快。。
不過落左車。行左成大半個鐘。大熱天時。。
網友話20分鐘。無可能﹗﹗﹗不過都係觀光啫~ 無所謂吧~
以下係我地沿路行緊去啦~~~
weak7落車了~~
喂﹗無幫趁。過主啦~~
勁呀﹗﹗ 好多香蕉呀﹗﹗﹗ "燒蕉"檔~
weak7至愛既"膠袋咖啡"檔﹗真係好好飲~~
沖啡阿姐
十個好味﹗
行左大半粒。終於到達。"Playground"外面就係咁。。
我地帶著興奮無比。萬眾期待既心情。入去一看﹗﹗
哇﹗﹗ 真係爆盡所有粗口都形容唔到當時"把鬼"既心情~~
哈哈哈~~ 入面空Nel Nel。。
得果兩間衫店(仲要係勁貴)。一間書局(似Page One)。加一間星巴克﹗﹗﹗
我想知道咩叫 "必行既潮 Mall"呢???
仲話係年青人集中地??
入面除左我地兩公婆。另一PAIR。加埋一個實Q。。
成個場唔夠8個人呀~~ 哈哈~~激死﹗﹗
大家千祈唔好去呀﹗﹗﹗
我地留左5分鐘左右 (又無野食喎﹗本身諗住係果度食LUNCH架嘛﹗)
之後就搭的士去Khao San喇~~
* * *
到左Khao San喇。。感覺舒服好多。。
weak7唔知又話緊我咩啦。所以咁既樣~~
餓C人啦。四圍覓食先~~
呢檔野我地買買下走鬼。轉左入條巷度。weak7餓到跟左入去。。
終於食左串燒。同埋一隻雞髀。。
到我啦~ 等食~~~~
呢度D串燒呀。炒粉面好正架﹗ 5蚊港字一碟﹗﹗
我買左炒粉同埋燒粟米呀~~~
之後行左一陣街街。好多野買呀。銀飾。手袋。特別是Tee。。
一般50蚊港字一件啦。有時30-40都有~~ 係香港百零蚊既商場貨啦~~
行行下見到有個B仔訓左。好得意啦~~
行列天黑呀竟然﹗﹗ 都係個自私精猛睇Tee啦﹗﹗
我地又去Asia Herb "疏乎"啦~~ 買下手信先~~~
今晚呢間房仲靚呀~~ 我地試左 Oil Message~~ 檸檬味好香好舒服呀﹗﹗
手信 : 係皂黎架。好靚呀一片片。。
今日在Khao San買既 Tee。右邊果件係我既~
真係開心呀! 好多野好好味咁喎! 好餓喔。
[版主回覆02/08/2008 16:31:00]係呀~ 不過幾污糟啦~ 哈哈~~
前年我同菇兄去泰國果時,都去過 PLAYGROUND ….. 同你地一樣,帶住超興奮o既心情去 ~~ 去到,真係勁想爆粗 ….. 完全係冇野行嫁大佬 ~~
[版主回覆02/08/2008 16:48:00]係呀。上網揾料又話必去。吹晒水。。 不過算啦。當行下街邊囉。。哈哈~~~
年初二喇 ! 繼續恭喜發財
今日有得遊曼谷真係好開心呀
仲有咁多街頭小食 我咁胃食岩哂勒
[版主回覆02/08/2008 16:49:00]係呀。正呀~~ 重溫一下都令人回味啦~~~
香港呢邊既電台就猛播新年歌 電視台就猛播慶歲片好有新年氣氛呀 等我都送首歌仔比你地啦我覺得歌神呢首”財神到”好正呀! P.S. 我部電腦怪怪地成日發兩次留言 幫我delete 重覆果d丫 唔該!
[版主回覆02/08/2008 16:51:00]我把聲好似一隻"牛"架﹗ 你都估得幾岩。。 weak7就。。好難形容。。 等我地學下點擺片上blog啦。好似好難啦~~
hello ar,,之前睇開你個blog ga ,知道你返香港好開心呀!!不過之後你唔係人氣榜我找唔到你個blog ar,,so sad 你地兩公婆好搞笑呀!!no nice
[版主回覆02/09/2008 02:05:00]哈~~ 揾唔返?? 去HK yahoo打 "weak7"就有架喇~ 你好呀~~ 新年快樂呀﹗﹗﹗
泰國真係去好多次都唔會悶.
[版主回覆02/09/2008 04:03:00]都可以咁講。主要都係行下做下spa咁啦~ 近香港。勁方便~ 不過今次weak7去完話十年八年都唔會去架喇。。 佢頂唔順咁熱﹗ (1月去都話熱?﹗) 我以前幾次都係6月去架~ 哈哈~~ 晒到成舊炭咁啦~~
財神到! 財神到!
咖喱 weak7 快d出來接財神喇喂~
我尋晚去左尖咀睇煙花呀 條街好熱鬧呀
[版主回覆02/09/2008 06:15:00]黎啦黎啦。。 我接~~~~~~~~~~~~﹗﹗﹗﹗﹗﹗﹗﹗ 財神比我接左返黎呀。我會好好對佢架喇﹗﹗ 多謝你呀﹗﹗﹗ 你就好啦。我都想去尖沙咀呀。。哈哈~~~
你地有冇去睇人妖呀? 有冇食好出名的冬蔭公呀? 有冇狂食甜品? 話時話﹐第一次見到有 " 膠袋咖啡" ……. 有冇越南coffee 咁濃ga?
問題少女上……
[版主回覆02/10/2008 02:24:00]問題少女: 我地無睇人妖show呀。老公無咩興趣。。 無食Tom Yum kong呀。老公唔食太辣。。 無狂食甜品呀。其實好多時行列趕唔到食正餐。。 哈哈~~~ coffee好濃呀。但濃唔濃得過VN就唔知喇~~~ 何太 上
嘩…正呀…掃街…我鍾意呀!!!
污糟?? 唔怕啦, 痾完咪無事囉, 至緊要好味嘛
潮人聖地?? 一睇就知你兩個唔係潮人啦, 所以咪覺得果樹無嘢行囉….
[版主回覆02/10/2008 02:25:00]可能係掛。。可能Edison會覺得好好行。。 (不過佢都唔得明去啦~ 哈~) 係呀。我都唔怕痾既。我成日都痾架喇~~
你地都行得好開心呀….不過泰國d野食好多都好正呢..我好鍾意食佢地地道既粉面呀
[版主回覆02/11/2008 23:14:00]你呀。都係四圍食啦~~ 都幾嘆。不過12月都好熱﹗﹗