曼谷 08 (Day 2)
不過無出埠都唔緊要。因為我會。。。
再帶大家到曼谷玩啦﹗﹗﹗ (係咪好開心呢~~ )
2008 / 1 / 11 (第二天)
今日出門口。計劃去"Playground" 。係一個潮mall(網友話)。。
我地搭BTS。由Asok站去Thong Lo站。約5分鐘。好快。。
不過落左車。行左成大半個鐘。大熱天時。。
網友話20分鐘。無可能﹗﹗﹗不過都係觀光啫~ 無所謂吧~
以下係我地沿路行緊去啦~~~
weak7落車了~~
喂﹗無幫趁。過主啦~~
勁呀﹗﹗ 好多香蕉呀﹗﹗﹗ "燒蕉"檔~
weak7至愛既"膠袋咖啡"檔﹗真係好好飲~~
沖啡阿姐
十個好味﹗
行左大半粒。終於到達。"Playground"外面就係咁。。
我地帶著興奮無比。萬眾期待既心情。入去一看﹗﹗
哇﹗﹗ 真係爆盡所有粗口都形容唔到當時"把鬼"既心情~~
哈哈哈~~ 入面空Nel Nel。。
得果兩間衫店(仲要係勁貴)。一間書局(似Page One)。加一間星巴克﹗﹗﹗
我想知道咩叫 "必行既潮 Mall"呢???
仲話係年青人集中地??
入面除左我地兩公婆。另一PAIR。加埋一個實Q。。
成個場唔夠8個人呀~~ 哈哈~~激死﹗﹗
大家千祈唔好去呀﹗﹗﹗
我地留左5分鐘左右 (又無野食喎﹗本身諗住係果度食LUNCH架嘛﹗)
之後就搭的士去Khao San喇~~
* * *
到左Khao San喇。。感覺舒服好多。。
weak7唔知又話緊我咩啦。所以咁既樣~~
餓C人啦。四圍覓食先~~
呢檔野我地買買下走鬼。轉左入條巷度。weak7餓到跟左入去。。
終於食左串燒。同埋一隻雞髀。。
到我啦~ 等食~~~~
呢度D串燒呀。炒粉面好正架﹗ 5蚊港字一碟﹗﹗
我買左炒粉同埋燒粟米呀~~~
之後行左一陣街街。好多野買呀。銀飾。手袋。特別是Tee。。
一般50蚊港字一件啦。有時30-40都有~~ 係香港百零蚊既商場貨啦~~
行行下見到有個B仔訓左。好得意啦~~
行列天黑呀竟然﹗﹗ 都係個自私精猛睇Tee啦﹗﹗
我地又去Asia Herb "疏乎"啦~~ 買下手信先~~~
今晚呢間房仲靚呀~~ 我地試左 Oil Message~~ 檸檬味好香好舒服呀﹗﹗
手信 : 係皂黎架。好靚呀一片片。。
今日在Khao San買既 Tee。右邊果件係我既~
我之前去曼谷都係上網睇d人介紹有咩好去處, 有人介紹個水上樂園, 因為香港無咗個水上樂園, 我恨咗好耐, 咁就滿心期待去諗住玩返夠本啦, 唉!點知入到場至發現心中嘅水上樂園原來係小朋友嘅戲水池, 我同男友當堂O哂嘴, 得一條比較似樣D嘅滑梯, 所以玩咗兩次浸咗一陣水就走咗啦!
[版主回覆02/13/2008 11:45:00]係呀﹐Bangkok D野其實都幾"流"架~~ 哈~ 我地都唔係太期望高。都係行下食下咁啦~~ WEAK7: 咁慘? 小朋友嬉水?
點解睇相您個樣唔同咗嘅??
[版主回覆02/16/2008 14:06:00]難道你見過我真人?? 不過都有朋友話我就算同一日影既相。 都會張張唔同樣。。 所以唔出奇~~
係呀, 係小朋友嬉水池, 最慘喺入場前睇唔出, 到換哂泳衣出到去至發現, 兩個大人去嬉水池玩, 羅爆!
[版主回覆02/19/2008 07:56:00]勁攪笑啦~~ 哈哈~~~ 不過熱屎辣辣。去嬉下水都好既~~ 去曼谷唔知定真係好易中招~~ 哈﹗﹗﹗﹗
妳依間 Spa 係咪好正架? 我見妳去完又去嘅??? 果啲手信係咪係果度買架? 貴唔貴呀?
唔好意思, 一次過問咁多… 做咗問題師奶 tim
[版主回覆02/25/2008 14:51:00]唔緊要。呢間真係要推介。好正呀。。 我KEEP住三日都去呢間。無轉呀。。 因為有約款MASSAGE。有推油。著通泰式。草藥包呀咁。 手勢好好呀。。 正﹗ 唔貴。你上網睇: 約200港子每人。兩粒鐘包埋TIPS。。 http://www.asiaherbassociation.com/en/index.html
請問知不知道
銀首飾在曼谷那兒(街名/區域)有得買到呀?
可以的話請告知,請求幫助一下,
因為我從未去過曼谷,
謝謝~~
[版主回覆03/07/2009 05:37:00]就係Khao San啦~~ 好多款好靚呀~ 都算ok平~~ 由chinatown去最近。不過由siam打的去都ok。唔貴。。 玩得開心d﹗﹗
哈哈! 又係Playground!!! 我地上次仲慘, 因行錯路, 搵人問路都問咗3次, 搵咗成個鐘 (當然沿途都有八下啲舖啦!), 去到門口梗係超級勁興奮啦! 入到去….喇叭佢個星星呀!!!!!!!