第一次下廚。。
我就諗住行幾條長街。去買Sushi做 Lunch~~
(最衰都係雲家莊莊主成日食壽司﹗﹗>_______________<)
順便入些少零食。飲品之類。。
點知行行下。無啦啦"好老婆"上身。。
心諗不如比個驚喜weak7啦。等佢放工返黎試下我既手勢﹗﹗﹗
拿拿聲轉陣。連Sushi都無買到。諗住食自己(整既野)﹗
哈哈~~ 就係咁。諗歪左。。。
件事有幾"歪"。跟我黎~~~~
天氣好。心情好好。出發去買野啦。黑星星係我既購物袋~
呢間就係屋企附近較大既唐人market。。
門口。。
入面。。
我要買既醬料部。。
買完又行返屋企。。
未開始整。奶奶呢兩日病左呀~ 煮野比奶奶食先~
洗埋D碗先﹗ 不過我懷疑我擺錯碗。D水兜住都唔乾既~~ >__<"
我會用既材料啦~ 大家一睇就知我想整咩啦~~
中間我又同阿囡出左去個幾鐘。返到黎。開左舊肉聞一聞~~~
哇﹗﹗ 臭到呢﹗﹗﹗好似變壞了~~~
我叫老公來聞。佢竟然唔肯﹗﹗﹗﹗﹗﹗
之後唯有嘈醒病左既奶奶。一聞之下~~
原來佢話 "美國牛肉係咁架﹐唔變黑咪偷笑囉~"
下?? 咩咁架?? 可能我已經認為舊野變左。所以好蛇quai啦。。
之後仲攞命。要切牛肉啦。。
我左手揸住咁大舊肉。右手努力片呀片。片呀片。。
片足幾分鐘。。終於切好晒。。
事後 : 切肉呢PART好核突。有D想嘔。。
切埋蔥同西芹。備用。。
咁睇又幾Pro喎~~
落鑊炒啦~~ 總之落晒d野落去係咁兜啦~~~
再落埋包醬料~~ 香晒~~~
有色有香有味啦~~
上碟﹗都幾靚丫~~
跟住到煎carb cake啦。。都係快靚正果隻啦。。。
一變金黃就食得架啦~~~
上碟時散左一件。。哈哈。。。
終於攪掂﹗﹗ 我梗係第一時間叫weak7出黎試試啦~~
點知。。。。。。
佢第一句就問 : 點解咁黑既?? 咩黎架??
第二句就話 : 好"壓"呀。好臭呀。。
第三句再話 : 你落左D咩落去??
哈哈哈~~ 其實我都唔知啊~~~ 點解煮左出黎咁黑架呢???
佢雖然充滿疑惑。但都坐定定好比心機食。。
不過一路食。一路嗌 "好咸呀~~"
我仲衰。食左兩啖。肚痛﹗﹗﹗
我既腸胃一向待我好好。食左D咩唔妥。唔使5分鐘即刻見效。
又會痛到你一定要即去﹗﹗ 都好既。同我一樣咁性急。快D無事丫嘛。。
踎左半個鐘塔。出返黎都無胃口食喇~~ 唉~~
食剩幾多﹗﹗﹗ 掉晒lu。都真係幾難食。。
side左十蚊雞。同一擔心機。早知用十蚊黎買左Sushi set外賣好過。。
佢食晒碗飯~ 同埋食左好多西芹~ 多晒﹗﹗
食完。痾完。面青青。仲要自己洗碗﹗﹗ 幾慘呢你話﹗﹗﹗
影多張慘D既 (weak7話)。。
都話我諗歪左架啦~~ 哈哈~~
我諗有一段長時間我都唔會再煮飯架喇~~ 哈哈~~~