weak7生日啦~
11。28 係weak7生日既大日子﹗﹗
佢今個生日係我地結婚前既Last一個。而下個月我生日。我已經係"已婚婦"了。。
一如以往。我又係今日先開始預備禮物。哈哈哈。。
佢都講 : 點解每次都咁趕既。。???
唔知呀。我就係呢種人。未夠鐘都 未有生日Feel。。
講開又講。原本weak7每年都會得到驚喜﹗﹗ 但係。
每次都係因為佢自己八卦。偵探頭腦。將我預備既驚喜一一撕破。頂丫﹗﹗
2006年第一次同佢過生日。已經畫好圖。
預備整Nacho Libre"瘋狂的神父"入面既蟀角手面具比佢。
點知佢成將圖摷左出黎。仲笑住話知我整咩啦。。 吹脹。。
無晒驚喜。唔整Lu。。
(最後只整了張生日卡比佢啦~~ 抵死﹗﹗)
2007年今年生日。上網揾了佢喜歡已久既口琴。
格左好耐價。點知佢放工返黎上網又睇番History。
哎。救命呀﹗﹗﹗
又叫我唔好嘥錢了。正死佬﹗﹗﹗
咁我今年送左咩比佢呢~~ 登登登凳~~~
就係呢個Mini Harmonica啦~~~~
(送唔到大。送細既。當作未被揭穿啦﹗係咪好驚喜呢??)
上網睇過。但真係估唔到咁 MINI。。
佢好開心啦。仲猛咁吹。吹左成晚啦。。
夜晚又食"小肥羊"。因為想帶未來老爺奶奶試下。。
點知食完咁滯。子維Tindy一群人入黎開餐。
都話凍冰冰食火煱最正~~~
食完之後去Jacky度。佢好有心咁預備生日蛋糕比壽星仔啦~~~
Happy Birthday To You~~
呢張相 – 105磅。樓下果張 – 125磅。"三7面+高炒"的威力真大﹗﹗﹗﹗
哇呀~~~塊面仲肥過件肥仔褸﹗﹗﹗﹗﹗﹗
還有好多我們家的最新動態在FB專頁上唷!歡迎點Like加入大家庭! »
哈哈..祝你男友生日快樂呀!
我都係嫁..一打邊爐就食到滯呀..但係我勁鍾意打邊爐嫁..YEAH
嘩..真係好MINI呀..??咁咪好難吹囉?
不過我就成日都好煩惱送D咩比我男友呀~?~??有咩好介紹呀€~??愈多愈好呀..
[版主回覆12/01/2007 02:42:00]多謝~~ 都唔係好難吹啦。佢日日返黎就吹新野(佢研究)叫我估下。。 送咩? 你想送邊類?? 佢有無咩嗜好架??
" 偵探頭腦。將我預備既驚喜一一撕破" 笑死我……. 最後, 都係果句… 三妹夫真係好上鏡!!
[版主回覆12/02/2007 17:18:00]代weak7多謝晒你既讚賞~~ 在香港玩得開心d啦~~
我就係無咩頭緒呀..不過一定唔會係D音樂上既野囉…
[版主回覆12/02/2007 17:18:00]或者最basic﹐自製得意既卡。。 唔一定生日送﹐平時都可以架~~
下面果張十足 ”已婚婦”=”師奶”
你地個迷你口風琴, 我曾經有一個, 係頸鍊. 係初戀男友送給我的. 他是一個很浪漫的人.
條鍊, 我一直keep住, keep了十幾年.
but今年同老公結婚前, 終於丟了.......
但好後悔啦. 不是因為仲愛他, 而是這是一份很有很有紀錄價值的回憶.
[版主回覆12/06/2007 14:50:00]係啦。我近排塊面又漲了幾個價位﹗﹗﹗ 初戀男友送既野。十幾年又真係好有回憶既。 不過我分手當時嬲得滯咩都掉晒了。。哈哈。。 算啦。我叫weak7教你老公整野比你。 今次起碼keep佢幾十年啦。仲多回憶啦~~