又出去趁。。
已經係放"感恩節"假期既第 7日。仲剩4日咁大把。。
功課做左一小半。我決心聽日一定唔出街做晒D功課佢﹗﹗﹗
功課做左一小半。我決心聽日一定唔出街做晒D功課佢﹗﹗﹗
不過今晚。我又出去趁下。。
話時話自從同weak7一齊之後。我好少出夜街。。
莫講話"花天酒地"。連K都唱少了。。
今日大家熱烈慶祝阿堅生日 + Thanksgiving 放公假一天~~~~~
一班人去左阿Cris間"Sushi Ko"
~~位於
64 Shattuck Sq, Berkeley,
CA
94704
(510) 845-6601~~
由於今日唔做生意。我地就係入面開Party – 打牌﹐耡Dee﹐唱K﹐開餐。。
玩到1點就走人啦~ 老啦趁唔到咁耐啦~~~
自製自助餐
老細真係老細。係豪D既 (一啖咁多)
請留意後面渣外賣條蛋散個樣
比我摸一摸。四條Dee位位五十二。勁呀﹗
同壽星公合照
壽星比人玩完Happy Corner。凌辱後
合照
啤酒大使
合照
扮白痴與真白痴
四朵小花 與 四眼肥蜜蜂
還有好多我們家的最新動態在FB專頁上唷!歡迎點Like加入大家庭! »
嘩..玩得好開心呀 ..咦..你d朋友住係你附近嫁>
[版主回覆11/24/2007 05:12:00]住附近? 都係既。。 最遠果Pair都係9個字車左右。。
哇!!!!! 好開心噃~~~
乜三藩市咁多唐人嘅?? 搵隻鬼睇下都冇???????
[版主回覆11/24/2007 05:19:00]出面好多鬼架~ 哈~ 不過唔開入唔到黎啦~~ 呢面除左同學仔之外。我無鬼仔朋友啦~~ 頂多係Asian – ABC, 日本﹐越南, 賓賓咁上下。。 同白鬼真係好難溝通。。 呢班玩左成10年啦~~ 黎咁耐玩咁耐~~~
咦..你係唔係一早移民左去三瀋市呀~?
[版主回覆11/24/2007 15:48:00]係呀﹐97丫嘛~~
最鍾意成班FRIEND敍埋一齊又飲又食, 暢快~~
[版主回覆11/24/2007 15:50:00]係十分過癮既。我嗌到聲都沙埋。實在太嘈。。
咁冇鬼朋友, 英文會否唔夠勁架?? ( 成日講中文 )
[版主回覆11/26/2007 04:01:00]我D英文直情係爛啦~~ 哈哈哈~~~ 夠應付日常生活﹐同老師同學吹水﹐返工溝通到。都OK架啦~ 由於三藩市實在太多唐人(香港人)﹐ 除左返工返學就無機會講英文。 我地班Friend個個差無幾 阿囡就特別勁﹗係純鬼果種﹗(尾三果張紫色長髮阿姑)