又喊又笑。。

話說今日同阿貓行街街買結婚既用品 (佢12。22。07擺酒)。。
而我就只係需要買對鞋註冊著啦。。誰知行均成個Downtown都無對岩心水
本身阿貓老公要佢返屋企食飯。。但我同阿囡死都夾佢出黎。。

因為我地預備今晚比個"驚喜"佢﹗﹗﹗

我地買左佢最愛既呢套首飾比佢襯婚紗用。。
因為太貴佢唔捨得買  (又真係幾貴~ )
之後我話要揾一間浪漫既餐廳 (最後愈坐愈多人好似去左街市~)
我地趁佢去左洗手間就用條餐巾"嬲"住盒禮物。。 先是耳環。。佢已經好驚喜啦~
正當佢話要order埋條鏈襯返 要等5-10日。。我地又再送出頸鏈。。
"嘿嘿嘿﹗﹗ 唔使等啦~~ "
佢。佢。佢此時就開始忍唔住喊啦~~~
(都喊左好耐下~好彩間野好情調~~)
之後阿囡又眼濕濕。。好彩我要揸機拍低過程。。
如果唔係眼淺的我一定跟住喊。。因為我鼻子都酸了一酸。。
"難得我地三個同時期結婚。。當然要紀念一下啦﹗﹗"

望住又喊又笑既阿貓(左)。。我知道。。佢真係好開心好感動。。
"你快樂所以我地快樂啦~~~~~~"
(喂﹗既然係咁快樂。今日Mac條數有拖"無欠"啦OK﹗﹗)

食飯前又行Mac。。我直情變身 "EYE SHADOW狂"﹗﹗﹗

以上三隻新貨色(有盒)邊隻最靚呢下?? (我三隻都鐘意啦~)
閃紫+墨綠。閃玉+勁金。閃銀+閃藍 (愛死閃了﹗)