11。11。07 求婚記


實在太驚喜 太開心 太感動啦~
估唔到琴晚先至話唔知幾時 (會唔會?) 有 surprise。。
今日竟然就係未來老公向我求婚既日子﹗﹗

今日我地放假一早講好會去個湖 – 我地既老地方。
weak7仲話會買雪糕去個度食﹐好好享受悠閒的一天。。
咁我就帶著去picnic既心情出發。。DaDaDaDeDe。。
由於琴日一直落雨﹐都驚今日唔好天﹐但誰不知今日陽光普照﹐哈哈~~
去到湖邊石級坐低﹐weak7就從冰袋中拎出我至愛既Haagen-Dazs雪糕。。
誰不知我一開﹐發現個蓋入而寫住: MARRY ME
我已經笑到傻左﹐咩黎架??? 哈哈哈。。
之後佢叫我再打開塊膠。。哇﹗﹗﹗ 原來入面收埋左隻介指啦~~~
佢幫我帶左﹐就話當我應承了。。 其實我地既結婚次序都掉亂晒啦~~
點知竟然唔記得
帶匙更﹐點食啦???

之後佢拎出Starbucks咖啡﹐話食唔到雪糕﹐飲咖啡都好丫。。
我就擰開樽蓋。。哇哇哇﹗﹗﹗ 原來內有乾坤﹗﹗﹗
咖啡入面竟然有支tube放左條水晶頸鏈﹐表面上係睇唔出既。。
哈哈哈~~ 我又再次笑到傻左啦﹗﹗﹗﹗﹗
跟住佢比我睇返佢預先拍低既 偷偷地買野比我同埋製作過程﹐勁好笑呀~~
最後我地影左一陣相﹐一個簡單而隆重既求婚過程﹐就咁發生左啦~~

我好開心啦今日﹗﹗﹗
原來weak7幾日前已經買左介指同頸鏈﹐琴日陪我睇只係怕被揭穿啦~
哈哈哈。。等我仲十分白痴自己緊張一輪。。哈哈哈

還有好多我們家的最新動態在FB專頁上唷!歡迎點Like加入大家庭! »