自己影婚紗相?﹗

有興趣去欣賞下佢既作品啦~
http://www.fotop.net/seven7

點知我地無啦啦決定個零月後拉埋﹐其實真係咩都無準備既。。哈哈。。
今日睇到人地個卜話由2006年中開始prepare到而家。。
哇哇哇﹗﹗﹗真係令我有D自愧。。哈哈。。
不過我都估唔到自己咁有性格﹐係懶人就係懶﹐攪結婚都懶過人。。
我地諗住返香港擺酒﹐但而家連酒席都未問。。
好彩﹗﹗我地兩個都係十分唔鍾意攪"大龍鳳"既人﹐好多野可免則免啦。。
而家諗住唔擺酒既 (擺唔切咋掛﹗) 又可以攪個西式buffet,
又或者去酒店Ball room玩返晚。。由於太過flexible﹐所以完全無壓力。。

呢兩日講講下不如我地都影婚紗相啦~
我開始上網揾料﹐同埋問姊妹們。。
覺得"法國婚紗"都幾好﹐因為有得出海﹐游艇同海灘﹐比較吸引。。
但係個package就十分之攪笑 (極可能係我地大鄉里出城~)
對於一個影相佬黎講﹐一萬蚊買20款數碼相 真係唔會啦掛???
(o拿﹗自己係唔會諗人地包裙﹐化妝/頭架。。)

其實我地一早已經諗住自己set腳架影婚紗相啦~~
哈哈。。好似好sweet同埋貫徹我地一向手作仔既作風。。
難得我地咁有興緻﹐就一於自己黎喇﹗﹗﹗
呢個weekend就要買婚紗喇﹗﹗ 好野好野~~~

不過如果影得唔好既﹐就要返香港做水魚喇。。哈哈哈。。

同場 等我撕開未來老爺奶奶神秘既面紗啦﹗﹗ @ Cheesecake Factory