12。12。2007 我地結婚啦﹗﹗
個性勁急既我﹐晚上打左比媽咪﹐討論12月邊日註冊好?﹗
"下? 咁快?? 唔係農曆十二月咩??"
媽咪快手快腳睇通勝。。
"唔。。一係十二號﹐一係十八號啦~"
我話: "咁十二啦﹐我地鍾意十二丫。。 又易記。。"
weak7睇緊電視搭咀: "十二號好喎﹗ 好似好浪漫。。"
(咩意思? 可唔可以解釋一下??)
媽咪就話喇:
"阿囡你肯定係佢架喇? 佢有無對你承諾呀? 要承諾一生一世愛你架噃﹗"
我就話:
"有呀媽咪~" (weak7 坐係張床度做出"十字死光"既手勢。。 -____-" )
"唉~ 好似就咁比左個囡人。。" (好多媽咪係咁諗)
"點止比左個囡人呀﹐係交託左個囡同埋你自己比人呀﹗
佢唔止照顧我﹐仲要照顧埋你架嘛﹗﹗"
此時媽咪就笑得好開心喇~~ 哈哈哈
估唔到婚姻大事﹐就係如此定案。
就係咁﹐半個鐘前﹐我地又快手快腳上網register左12月12號去註冊了~~
而決定12月註冊亦係我同weak7無啦啦講開。。
我地想下年年頭造人﹐又趕住金豬年註冊。。
"11月太急﹐12月得閒D, 1月返完香港返黎又好似會好忙。。"
就係呢兩句﹐就決定12月結婚啦~ 哈哈~
還有好多我們家的最新動態在FB專頁上唷!歡迎點Like加入大家庭! »
而家先決定, 排唔排得切期呀?
[版主回覆11/04/2007 01:55:00]排好了。。米國比香港易排好多。。 話結就結了~~
爬過文佬的頭了,可喜可賀,兩個都要繼續恩恩愛愛哩。
[版主回覆11/05/2007 03:34:00]多謝文佬﹐我會努力做個好老婆啦~
恭喜哂
[版主回覆11/05/2007 03:34:00]多謝多謝~
喂! 恭喜哂喎~ =)
其實想回應你樓上0個篇.. 不過就回應唔到 =_= 個人偏好 low cut and 0個隻色.. =P (當然, 你自己揀~)
關於個日子.. 我0個陣都係本住"易記"所以揀0左 2 月 2.. =PPP
[版主回覆11/05/2007 12:27:00]Thank you so much ar!! I love the LOW CUT also, but my man says WHITE looks clean and pure~
恭喜恭喜~~~~
[版主回覆11/06/2007 10:44:00]多謝晒 ~
嘩嘩嘩嘩嘩!! 恭喜三妹~~~~~~~~~~~~~~~
[版主回覆11/06/2007 15:05:00]嘩咁長既?? 哈哈哈~ 好出奇啦~~ 多謝三佬~
大個女喇,
漏左公起係添 恭喜….恭喜~~~
[版主回覆11/07/2007 12:10:00]多謝多謝~ 返到香港再通知你~~
hey! congratz!! "佢唔止照顧我﹐仲要照顧埋你架嘛" i like this…haha
[版主回覆11/07/2007 12:11:00]多謝晒~ 媽咪好易tum架咋~ 哈哈
話結就結, 勁呀!
祝你俩永遠一齊幸福快樂!!!
[版主回覆11/09/2007 14:40:00]多謝家姐﹗ 我地好興奮呀﹗﹗