12。12。2007 我地結婚啦﹗﹗


個性勁急既我﹐晚上打左比媽咪﹐討論12月邊日註冊好?﹗
"下? 咁快?? 唔係農曆十二月咩??"
媽咪快手快腳睇通勝。。
"唔。。一係十二號﹐一係十八號啦~"
我話: "咁十二啦﹐我地鍾意十二丫。。 又易記。。"
weak7睇緊電視搭咀: "十二號好喎﹗ 好似好浪漫。。"
(咩意思? 可唔可以解釋一下??)

媽咪就話喇:
"阿囡你肯定係佢架喇? 佢有無對你承諾呀? 要承諾一生一世愛你架噃﹗"
我就話:
"有呀媽咪~" (weak7 坐係張床度做出"十字死光"既手勢。。 -____-" )
"唉~ 好似就咁比左個囡人。。"  (好多媽咪係咁諗)
"點止比左個囡人呀﹐係交託左個囡同埋你自己比人呀﹗
佢唔止照顧我﹐仲要照顧埋你架嘛﹗﹗" 
此時媽咪就笑得好開心喇~~ 哈哈哈

估唔到婚姻大事﹐就係如此定案。

就係咁﹐半個鐘前﹐我地又快手快腳上網register左12月12號去註冊了~~
而決定12月註冊亦係我同weak7無啦啦講開。。
我地想下年年頭造人﹐又趕住金豬年註冊。。
"11月太急﹐12月得閒D, 1月返完香港返黎又好似會好忙。。"
就係呢兩句﹐就決定12月結婚啦~ 哈哈~

還有好多我們家的最新動態在FB專頁上唷!歡迎點Like加入大家庭! »