12。12。2007 我地結婚啦﹗﹗
個性勁急既我﹐晚上打左比媽咪﹐討論12月邊日註冊好?﹗
"下? 咁快?? 唔係農曆十二月咩??"
媽咪快手快腳睇通勝。。
"唔。。一係十二號﹐一係十八號啦~"
我話: "咁十二啦﹐我地鍾意十二丫。。 又易記。。"
weak7睇緊電視搭咀: "十二號好喎﹗ 好似好浪漫。。"
(咩意思? 可唔可以解釋一下??)
媽咪就話喇:
"阿囡你肯定係佢架喇? 佢有無對你承諾呀? 要承諾一生一世愛你架噃﹗"
我就話:
"有呀媽咪~" (weak7 坐係張床度做出"十字死光"既手勢。。 -____-" )
"唉~ 好似就咁比左個囡人。。" (好多媽咪係咁諗)
"點止比左個囡人呀﹐係交託左個囡同埋你自己比人呀﹗
佢唔止照顧我﹐仲要照顧埋你架嘛﹗﹗"
此時媽咪就笑得好開心喇~~ 哈哈哈
估唔到婚姻大事﹐就係如此定案。
就係咁﹐半個鐘前﹐我地又快手快腳上網register左12月12號去註冊了~~
而決定12月註冊亦係我同weak7無啦啦講開。。
我地想下年年頭造人﹐又趕住金豬年註冊。。
"11月太急﹐12月得閒D, 1月返完香港返黎又好似會好忙。。"
就係呢兩句﹐就決定12月結婚啦~ 哈哈~
還有好多我們家的最新動態在FB專頁上唷!歡迎點Like加入大家庭! »
嘩…估你唔到… 恭喜恭喜!! 好sweet~~!
[版主回覆11/11/2007 02:27:00]多謝晒呀﹗﹗ 話時話我仲有收埋你多年前寄比我張聖誕卡~ 哈哈哈。。
恭喜妳啊~~ 草率唔緊要~~ 浪漫動心就得啦~~
妳1月會回港???
[版主回覆11/20/2007 04:02:00]咁又係~ 哈哈哈~~ 我同老公12月27到港﹐1月24走。。 我地諗住1月16-18 (其中一日) 擺幾圍﹐因佢爺爺在港~ 而家揾緊酒樓﹐琴日朋友幫手問左好多都爆。。 揾左呢兩間 – 新世紀美心皇宮 同 文化中心映月樓 4600(包酒水) 你覺得點呀?? 呢兩日要決定同落訂了。。 我地好簡單﹐咩都無攪架﹐主要食餐飯。。
哈哈..恭喜呀!嘩..勁呀…話結就結呀…又book期註冊呀!咦..你27番hk…岩岩完左christmas喎..不過係聖誕節marry 好 sweet呀!
[版主回覆11/23/2007 18:41:00]係呀﹐其實我25號中午上機架﹐ 返到黎26晚我咪當27囉~ 哈哈~~ 聖誕同生日都在機上同老公過~~
我2007/12/12在醫院生左個女呀
你地閃電結婚架?