再見喇 綿羊仔。。
係咪好型先??
我又返黎喇﹗﹗﹗ 不過大家都習慣左我神出鬼末。。
終於update自己個卜﹐ 之前返左香港個幾月一路無用腦﹐梳里。。
今日﹐我終於都賣左我隻綿羊仔。。
不過﹐到而家都仲好似有點失落既感覺。。
都怪自己一直無好好咁對待佢。。成日冷落佢。。
有兩年仲打左佢入冷宮。。攪到佢對腳生晒鏽。。
唉。。都係我唔好 -___-"
今朝賣車之前再兜多幾轉。。感覺依舊。。我已經開始唔捨得。。
原來賣車同談戀愛一樣。。唔怪得之D男人當車係老婆。。
"有個陣又唔珍惜﹐唔對佢好D﹐ 到無左先至後悔內疚。。"
好彩﹐今日佢既新主人見到佢。。都不知幾鍾意。。
我諗。。佢應該會比我更加錫呢隻羊。。
最後﹐ 收左畢錢﹐交埋車契﹐見到佢轉眼間比人帶走左好遠。。
我個心都幾"up" -___-"
"阿SUN, 你要對佢好好呀﹗﹗ 得閒帶佢返黎探我呀﹗﹗
再見喇~~ 綿羊仔﹐ 你要聽聽話話呀﹗﹗﹗"
睇相: http://www.fotop.net/seven7/seven7193
***仲有之前weak7影花生騷既相都係相簿喇~~ http://www.fotop.net/seven7/seven7184
***仲有仲有2001年後短髮再現~~
http://www.fotop.net/seven7/seven7192
還有好多我們家的最新動態在FB專頁上唷！歡迎點Like加入大家庭! »