搬出這天地。。

幾神氣﹗知你叻喇﹗﹗
Yo Hoo~~ 終於可以上返網喇~~
不過而家o係我隔離訓緊覺個條豬標唔比我用Laptop。。
所以大家無相睇。。哈哈。。
(我出包﹐佢出剪﹐攪掂。。)

呢幾日搬左屋。。換左新環境令到大家都好興奮。。
因為比以前大左唔少。。
哈哈哈。。其實o係呢間屋入面我係最無貢獻既一個。。
因為前幾日仲趕住交Final。。無幫手執過D咩。。
而屋租水電我又無份交。。
哈哈哈。。唯有猛咁話自己旺夫益子﹐好命水呀咁。。希望過到骨。。

不過講開又講。。自從阿weak7同左我一齊之後。。又真係開始有運行。。(梗係入我數啦﹗)
佢由一條行行企企既二打六。。無啦啦有晚收左一個call。。
就變成左一個專業人仕。。仲要係佢鐘意做既野。。。
而我。。返而就由勤勤力力打2份part-time既苦學生。。
愈做愈少。。變左一件終日遊手好閒既大食懶。。。
o係呢個時候。。除左學D江湖術仕妖言惑眾之外。。
我都諗唔到有咩辦法可以掩飾自己"無貢獻"呢個事實。。
不過阿weak7媽又好似好受落咁。。當正我係新抱仔。。
除左十分遷就我之外。。仲一D家務都唔使我做。。
剩係叫我旺住阿仔就得喇。。
哈哈哈。。你話丫你話丫。。睇相佬真係呃你十年八年。。
不過如果真係十年八年。。到時風山水起。。
都無人會記得我大食懶既呢段日子啦。。哈哈。。

所以各位兄第姊妹。。得閒就幫我拜下神祈下禱。。
希望阿weak7仔工作順順利利。。咁我先可以繼續我既理想。。
可以做一個揾唔到錢又唔使捱窮既設計師。。 麻煩晒。。。

作者：呔媽.Kelly

全職媽咪，視"呔細快樂成長"為己任！Brandsss@Facebook名牌手袋店Buyer。秘撈shemom. com客席寫作人。此少婦長期渴睡，幻想一天有48小時~

| Facebook | 個人介紹