~開Blog大吉~

其實一直以來都冇寫Blog既動力。。係因為呢一兩年實在好忙。。好忙。。
忙D咩?? 除左同阿weak7仔培養感情(即係瘟仔啦﹗)之外。。仲做左一件o係我人生當中都幾重要既事。。而呢 件事就正正係今次開Blog既主要原因。。。

就响5月11號個晚。。我出左我咁大個女既第一次Fashion Show。。
雖然只係一個學生Show。。但係當D Model著住我D衫行緊Runway既時候。。
我第一次感覺到個種 滿足感。。原來自己可以漂漂亮亮咁完成一件事。。
之後當我個Collection行完。。我就黎要出去thank you個陣。。
我個心跳到好似開左turbo咁。。之後仲開始腳仔軟。。我幾驚自己暈低。。
唯有同隔離個女仔講。。叫佢講個笑話比我聽。。同埋推我出台(因為我自己好似行唔到)。。
佢話冇笑話。。不過叫我出到去可以睇下D觀眾有冇著underwear。。哈哈哈。。
其實都幾好笑。。又真係放鬆左我少少。。同埋佢叫我keep住依起棚牙就得架喇。。
之後我唯 照"依"啦。。點知出到去。。
我阿娘原來坐係第一行。。仲飛身出黎同我揮手。。之後全場人勁笑勁拍手掌。。
而我阿娘就擰轉身同成場人揮手(佢話見咁多人拍手支持﹐係禮貌喎﹗吹脹~)
成件事睇起黎好似好娘咁。。但個一刻我望住佢。。其實我心入面係好開心 好感動。。
因為我咁大個女。。第一次做左件令阿娘值得驕傲既事。。
而且可以令佢咁開心。。我自己都開心左成晚。。
我會諗。。如果呢件事發生响幾年前。。我或者會覺得好娘。。
但可能人大左。。會珍惜屋企人。。會愛佢地多左。。好多睇法已經唔同晒。。
何況有陣時興奮過度。。係真係會失控。。佢冇衝上台咀我已經係大步攬過架喇。。
因為我阿哥話想拉都拉唔住佢。。哈哈哈。。

雖然個Show係有D蝦碌位。。但對我黎講都算好漂亮。。
就係咁。。忙左一段時間既我。。
終於可以停低落黎。。攪搬屋執野。。

遲D會upload Runway D相去weak7個相簿~