呔仔4歲半。細細3歲3個月

日期: 2013年05月19日上午01:53｜回應: 14 個回應｜瀏覽數

都好耐無講下佢地既成長紀錄喇~
其實每次睇返之前佢地幾個月大做D咩時。都係好開心同勁新鮮的。
因為佢地真係一日唔同一日(特別細個時)。轉眼間識左另一樣野。
就已經唔會再做之前會做既野。長大左就係長大左~
係啦。忙。其實真係好打攪湊仔既生活。
所以點解D 人話時間係追唔返。情況許可既話。
全職湊幾年BB真係一個好好既回憶~

唔知而家再寫返會唔會太遲呢。好似都無寫成2年喇。哈~

呔仔4歲半大

呔仔上年9月開始返學。由開學喊到10月尾 (而成個9月都係病左好似返得幾日學 ><)。
到終於獨立起黎。可以勉強分開 (係勉強。因日日都唔係自己想分開。要我推佢 XD)。
到而家我帶左佢入班房。佢會話 "拜拜媽咪~"
其實個心係有D百感交集。好多時佢做既野。我都會諗一句 "真係大個仔喇﹗"
不過呢。返左成8個月學。佢每朝分開都仲有一句 :
"媽咪你係咪會響停車場等我架?"
係呀。佢要我響停車場等佢架﹗
我日日都答 "我會架喇﹗"
有日佢話 "但係點解我去公園玩都見唔到你架車架? o下? (質問mode)"
"…..無位嘛….我響左轉角位你咪睇唔到囉~"
咁佢就晃然大悟喇。哈~~

雖則話佢返左學之後係大膽左同social左。但平時出街佢都係成日揾細佬壯膽架﹗
如果自己要去一個地方。佢就會夾埋細細一齊去 XDDD
咁佢就安心好多。同埋獨立好多。否則都係成日拉住我同爸爸既~

喜好方面。佢係超級鐘意食野。正餐。蔬果同零食都係大量 ﹗
所以佢一直都keep到雙兜樣。身形其實唔肥。係大蘿柚(超滑手呀﹗)。
幾重秤。而家40磅左右~
而玩具方面。玩Lego佔左大部份時間。另外就係Tomica車仔playset。
離不開都係消防。消防。消防…….佢好專一 XD
而家係好間唔中先會玩Thomas同其他玩具 ^^
好鐘意睇叮噹。成日學入面D人講野。
近日鐘意睇Little Pony。又話自己係馬 XD

返左學之後可能係見多左好多唔同既野。行為上好多時都有D驚喜~
好似之前有一次行緊Target。佢拎左個女仔頭ku叫我戴。
又叫我渣住支女仔星星捧。
之後佢話扮佢自己行過。叫我話佢好靚仔喎﹗
wakakaka~ 好可愛呀﹗
唔知佢響邊度學。但好得意。好純真呀﹗哈~~
唔怪得之話而家D細路仔幼稚園就拍拖。真係唔奇 XDDD

性格仍然係好怕羞。正直善良。會對唔公平時事敏感~
但有個轉變就係學識反抗。係呢幾個月既事。之前響學校比隔離班拽仔推。
仲成舊飯企響度。連叫佢STOP都話唔敢。要推我去 (當時我接緊佢放學)~
係呀。條友幾大膽。連大人話佢都唔驚。仲牛咁眼啤住我~
之後我就教呔要保護自己。唔係推返人。但都要叫停佢同話比老師知﹗
可能係教過佢。佢而家就識 NO & STOP人。
反而係我有D唔慣佢識大聲反抗。哈~
同埋佢係比較內向。而家算好左D。但都唔係瘋狂人仕。
之前老師話佢好得意。會睇人玩。但唔會太參與。唔會同人爭野。
好多時人地一行埋佢度佢就會彈開~
我覺得佢係自我保護意識強。係好事。不過我都有鼓勵佢多D 同同學玩。
而家可能同班同學熟左。佢就放心D同人交流 ^^

係喇。講開呔仔社交問題。
話說上月發生左件拽事。就係呔仔無啦啦打左同學仔個頭一野。
後來話係學左叮噹入面技安一個場面 @@
之後咪話第朝呔同同學仔say Sorry。但同學仔話佢無打過佢喎﹗
當時我都無理啦~ 係之後同返同學仔媽咪傾。
佢話同學仔果晚返到屋企都話係自己跌親所以大喊。。
依?﹗ 呢單野好離奇喎﹗
其實老師就話佢見唔到既。係另一個同學話見到。但同學仔又話係自己跌到。。
咁無理由比人打定自己撞親都分唔到掛 (又真係可能分唔到既 XD)
所以同學仔媽咪就懷疑個"人証"可能make up story喇。。
但點解呔仔又認呢?﹗
呢樣我又唔出奇。因為條友勁蛇gwai嘛。你話佢係佢就係架啦。
仲要係個唔熟既老師問話 (因Ms. Windy果個禮拜放左假)~
因此呢單野列為無頭公案。不日審理。哈~~
點都好啦。呢件事都係呔仔一個大教訓。對佢黎講係好事黎既 ^^

到細細喇。3歲3個月大

我真係想講我好鐘意細佬。因為佢。我輕鬆好多。哈~
有佢響度。呔仔唔會成日拉住我。佢地有伴玩嘛。超開心呀﹗﹗
睇佢地玩勁好笑。又成日講D佢地覺得好正經。我地覺得好無聊既野。
細細會成日問哥哥問題。佢真係好鐘意呃水吹~
佢性格好識照顧人。會幫手做野。同埋"照顧"我。哈~
食食下飯會無啦啦講 "媽咪你煮D 野真係好好味呀﹗"
超識Lum女呀﹗﹗
好鐘意哥哥。接近迷戀。有咩都第一時間諗呔仔。有好野一定預佢架﹗
一起身第一句通常係 "呔仔呢?"
"咪響你隔離囉~" 之後佢就傻笑。。

佢既喜好唔同。哥哥鐘意消防。佢就鐘意警察﹗
口邊成日話要捉拽仔。打壞人。拉佢地返差館。。
仲成日叫我唔使驚。會保護我 ^^
呢期一直話自己係超人。勁鐘意扮超人。不過我同爸爸都唔係太想佢沉迷。
始終係D 打交既野。所以我地一直無比佢睇or買配件比佢~
但我地2個其實又好想買一件配件比佢。條友一定勁開心呀﹗
(細細口中既"蕉蕉野" 要黎"蕉"D壞人﹗ 哈哈哈~)
佢自己已經識用屋企有既野黎扮。
佢話自己係SpiderMan。隻手識噴蜘蛛網。嘻~~
總之所有Hero呀。打monster既Super man佢都鐘意啦﹗
其實正義既。我唔係太反對。不過又唔想佢學打人既野。所以都好矛盾。哈~

至於性格。佢由天生好勇鬥狠型。比哥哥同化左。
家陣好善良。哈~ 發現佢出到街仲怕怕地人。同豬哥哥一樣 @@
好似上次佢坐左響部車上面玩。有個細路女衝上黎坐。
爸爸話佢嚇到跳車~
以前佢點會咁樣。一定唔讓佢。人地搶佢野佢會搶返。
佢而家D 行為好似呔仔。哈~ 呔仔係真係會跳車架﹗
不過淋善左後。佢都仲係一個淋善既古惑仔。哈~
好似琴日佢叫我比糖佢。佢問既時候會話埋 "媽咪你比我啦。我唔會食架~"
(唔食你拎黎做咩? 3歲即係3歲 xDDD)
之後比左佢佢就食左落肚~
因佢知道我唔比食住。要佢做左某D野先可以食。所以就講明自己唔會食。幾古惑~
之後琴晚又係咁。食食下飯叫我斟奶比佢。
又係自己話 "我唔會飲架﹗"
之後一比佢就啜~ @@
爸爸就教佢唔可以咁樣呃人。係講大話。慢慢人地就唔相信佢….之類~
佢好鐘意做古惑野架﹗成日做左D咩就會話 "爸爸唔知架﹗" 呔仔唔知架﹗"
之後就好開心陰陰咀笑。好似好叻呃左人地咁~ XD

食野方面佢都叻左好多。同哥哥差唔多。都鐘意食野~
同埋佢勁鐘意飲"加營素" 係一隻營養奶。香港都有得賣。。
一日至少飲3﹐4支﹗
又攪笑喎﹗細細原本無PatPat架。好扁。飲左之後個PatPat 漲晒。好得意呀﹗﹗
哈~~~
反而哥哥大左就飲少左奶。一日2支左右 ^^

社交方面我好

標籤 :

分類 : 講.車呔仔