花生襲細細
號外 : 細細誤食麻醬 +麻醬捽眼。賴野了~~
不過大家唔使擔心。因為訓左一晚。今朝已經"還原"了。。
話說琴晚(Apr-10-2011)
走去食上海野。。
一開始到左個雞絲粉皮。。
細細開始扭。我就好快手咁比佢食。等佢可以坐定定。。
佢食到成手成面都係。仲係咁捽。。
唔夠5分鐘。佢開始扭落地要抱。以為佢想訓。抱左佢出去行。。
行左一陣佢已經開始打乞嚏。仲噴鼻涕。我仲以為佢凍親。。
行返入去揾爸爸。原來細細已經腫到豬頭咁。雙眼變左雞蛋。仲起粒粒。。
嚇到爸爸屎屎下~~
即刻打的返屋企。好彩。除左眼腫之外。呼吸同其他都好正常。。
唉。都係我傻仔。竟然唔知麻醬入面有花生﹗﹗﹗
(我真係以為麻醬 = 芝麻醬)
不過我從來唔知細細對花生敏感的。仲要係咁~~~~~~~嚴重 -___-""
腫眼細細。加埋起"懶"
我真係心痛到爆。定神後忍唔住喊。。
半小時後開始散。無咁腫。。
仲識玩。我地都無咁驚。。
爛玩細細。。
好似曳仔打架打腫隻眼。。
我地好感激細細自己貢硬淨。。。
出世到而家皮膚一路都好困擾
所以會放寬比細細曳十次既quota~
還有好多我們家的最新動態在FB專頁上唷！歡迎點Like加入大家庭! »