Facebook群組。關門大吉

唔知係咪個個有Facebook既都知道。。
果度有個 "騎呢.weak7.卜車呔"既Group~?﹗

其實個Group係一個卜友年前幫我地開既。主要都係即時轉載返呢度既新卜。。
又或者比睇開呔仔卜既朋友吹下水咁樣。。
所以間唔中都有卜友問我。果個Page係咪我開架? 我知唔知架??

唔~ 其實我就無咩所謂。不過有時大家咁樣問問下。。
都覺得有存在既危險性。。
當然我唔係講緊好心卜友幫我地開個Page會呃人啦~
(相反我好多謝佢一直咁有心幫我管理)
不過好難講。好驚第時有人會借我地個名呃我既卜友~
你知你地幾善良架啦~ 哈哈~~
(鐘意得呔仔細細應該好有愛心架喇~)
所以都唔想節外生枝。 keep返呢度一個地方就算喇~~

況且。其實我個人黎講都幾怕"FANS"呢個字。。
即係我覺得你地鐘意睇。我又鐘意寫。。
可以令人開心既話。就係我寫卜既動力~﹗
就係咁簡單啫。。
又唔想攪到好似我地係偶像。又有FANS。太扮野喇掛~?﹗
自我吹捧既野。無意思啦。。
排頭位咁又點丫。對我黎講無咩分別。同以前一樣。。
我諗多人鐘意睇。都係因為我呢度無咩"太陽"。哇哈哈~~~

擺返幾張"閒時"相頂住先。。
呢班卜友喪架﹗﹗見少佢地一次都即刻留言話"好掛住" -_-" 係咪咁上腦呀?
真係衰過食白粉

 同呔仔講 細細訓左。佢即刻"累"埋去~
"人訓我又訓~"

想點呀何生??

情人節早上。呔仔送我一隻介指

嗲仔細細。平時鐘意咁樣睇玩視。嘆到呢~~

訓著左比哥哥整古。哈~~
(原來"玩人"呢家野係與生俱來既。。)

人肉搖搖板~﹗﹗

細細已經同哥哥一樣。身上有"隨時隨地訓"裝置~﹗﹗
無啦啦聽唔到佢把聲。就會發現佢係訓著左。。
(趁墟哥哥又黎料~ )

*3*

呔仔好有米呀。佢D FRD不妨屈佢請食雪糕~