Spaghetti~O!!
未嫁之前。當然唔使我煮啦。。
到嫁左喇。就有老爺奶奶煮。。
終於。由呔仔開始食固體。就開始左我既"廚房生涯"喇。。
真係唔知點解。佢地兩個既野我執得好正。。
自己唔食唔緊要。最緊要佢兩個有飯開。。
我係果D…比佢地食多兩餐街外野會內疚既人。。
太油。太咸了。大人食完都口渴。何況小朋友。。
我係零廚藝的。所有野都係原味。清蒸。無油少鹽。。
好多時都唔落鹽的。因為覺得佢地既小食已經夠足sodium (e.g 芝士)。。
蒸肉蒸菜煲爛飯。係我每朝早都做既事。。
幸運地。佢地都好肯食我煮既"無味飯"。中午晚上各一大兜。。
鐘唔鐘意就唔知喇。。
無辦法。媽媽唔識下廚。係無咩口福架喇。。
除左菜肉飯。間唔中會整粉麵。。
都係白霎。加芝士調味。。
果朝又諗住蒸牛肉餅。無啦啦見到有罐金寶茄湯。。
好﹗不如試下整茄汁肉丸意粉啦~~~
原來係好容易整架咋。煮傑少少茄湯。用匙一粒粒咁"不"D肉落去。好快熟。。
撈意粉就食得。yeah~~~
兩隻野食得好開心。第一次覺得好有滿足感~ 呵~~
為左兩隻仔有啖好食。我會努力架喇~﹗﹗
呔 : 好好食﹗ (真實對白)
"唔~ D牛肉丸好有牛肉味~﹗" (設計對白)
細細鐘意自己渣叉食野。叻~﹗﹗
兩個一齊開餐去~
細細比較幸運。咁快可以食好味野。。
哥哥就由細"無味"到大。而家先開始食下"有味"野~ 哈~~
爸爸訓醒。將細細調到前排坐。方便影相~
細細好比心機咁"吉"~
最後都係用手方便 (留意細細"尾指天線"" 同媽媽一樣的~ 哈~~)
哥哥食到烏晒咀。。
細細又電人喇~~~~~~
YUMMY~~
爸爸引細細。。
電視撈粉。。
滿足地笑。。
哥哥真可愛。。
細細 : "爸爸影夠未呀。咪阻住食粉啦~~~"
呔 : 哦﹗仲影~~﹗
細 : 收你相機丫拿~﹗
食得幾得戚~﹗﹗
哥哥又出招~~~
最後媽媽都係一人餵左細碗飯。。
唔知點解我覺得係要食碗飯先夠照。哈~~
咁你地平時除左飯。仲會整D咩比小朋友食呢??
等我有得跟下都好丫。唔該晒~~~
好媽咪.畀100分你!!
呔仔同細細好幸福呀~食到媽媽煮的愛心意粉~ 希望你地一家都永遠開開心心! (睇你地BOLG好耐,今次第一次留言,仲係第一個)
蒸水蛋囉!
cute~~~~
兩兄弟都食到咀lam lam,呔媽要繼續努力!;)
睇住佢地兩個長大, 以前覺得好似樣, 到而家兩個開始唔同啦, 細細好sweet, 成日電人, 同呔仔唔同, 呔仔好可愛, 圓碌碌!
查實我都好想俾朗朗豬食面面…….. 但又驚面面太長, 佢食唔黎 細細食得 o 唔 ok 0架, 如果原來佢地係食得黎, 我都想俾阿仔試下……..
呔媽, 我教你一個超易煮既餸……送下飯或者通心粉都唔錯!
1) 買一罐罐頭菠蘿, 將菠蘿切一角角, 罐入面d汁唔好倒
2) 用切成一角角既洋蔥起獲, 一炒到有香味就倒d切左一片片既香腸落去
3) 當香腸都熱就加埋菠蘿落去
4) 一加左菠蘿就將d菠蘿汁倒埋落去, 最後加少少茄汁同幾粒糖就ok
信我, 小朋友會好鍾意食……如果怕香腸唔健康, 間中先整囉~
細細出左好多牙喎@v@
WEAK 7,
請問點樣可以整到d相好似你呢張咁? 要用咩software?
我用photoscape只整到咁咋