Spaghetti~O!!
未嫁之前。當然唔使我煮啦。。
到嫁左喇。就有老爺奶奶煮。。
終於。由呔仔開始食固體。就開始左我既"廚房生涯"喇。。
真係唔知點解。佢地兩個既野我執得好正。。
自己唔食唔緊要。最緊要佢兩個有飯開。。
我係果D…比佢地食多兩餐街外野會內疚既人。。
太油。太咸了。大人食完都口渴。何況小朋友。。
我係零廚藝的。所有野都係原味。清蒸。無油少鹽。。
好多時都唔落鹽的。因為覺得佢地既小食已經夠足sodium (e.g 芝士)。。
蒸肉蒸菜煲爛飯。係我每朝早都做既事。。
幸運地。佢地都好肯食我煮既"無味飯"。中午晚上各一大兜。。
鐘唔鐘意就唔知喇。。
無辦法。媽媽唔識下廚。係無咩口福架喇。。
除左菜肉飯。間唔中會整粉麵。。
都係白霎。加芝士調味。。
果朝又諗住蒸牛肉餅。無啦啦見到有罐金寶茄湯。。
好﹗不如試下整茄汁肉丸意粉啦~~~
原來係好容易整架咋。煮傑少少茄湯。用匙一粒粒咁"不"D肉落去。好快熟。。
撈意粉就食得。yeah~~~
兩隻野食得好開心。第一次覺得好有滿足感~ 呵~~
為左兩隻仔有啖好食。我會努力架喇~﹗﹗
呔 : 好好食﹗ (真實對白)
"唔~ D牛肉丸好有牛肉味~﹗" (設計對白)
細細鐘意自己渣叉食野。叻~﹗﹗
兩個一齊開餐去~
細細比較幸運。咁快可以食好味野。。
哥哥就由細"無味"到大。而家先開始食下"有味"野~ 哈~~
爸爸訓醒。將細細調到前排坐。方便影相~
細細好比心機咁"吉"~
最後都係用手方便 (留意細細"尾指天線"" 同媽媽一樣的~ 哈~~)
哥哥食到烏晒咀。。
細細又電人喇~~~~~~
YUMMY~~
爸爸引細細。。
電視撈粉。。
滿足地笑。。
哥哥真可愛。。
細細 : "爸爸影夠未呀。咪阻住食粉啦~~~"
呔 : 哦﹗仲影~~﹗
細 : 收你相機丫拿~﹗
食得幾得戚~﹗﹗
哥哥又出招~~~
最後媽媽都係一人餵左細碗飯。。
唔知點解我覺得係要食碗飯先夠照。哈~~
咁你地平時除左飯。仲會整D咩比小朋友食呢??
等我有得跟下都好丫。唔該晒~~~
話說都有幾個必用既菜色
1) 薯容 + 少少煙肉粒(去肥膏) 2) 有蕃茄肉湯 + 通心粉 3) "紀"廉湯 + 飯 + 可以再添少少香草/蟹柳 (可以搞到D飯"淋淋地, 近類白汁)
(Empty)
哈, 其實我都係生左阿仔先開始學煮野食架咋…… 雖然都唔係煮得好好食, 但都ok 喇….. 你不如試下蒸魚呀…… 易到爆登, 而且食得魚多,仲對小朋友好添!!! 如果蒸呢, 最好就係桂花魚……小骨呀嘛………. 洗完條魚, 加幾片薑,蒸十至十五分鐘倒就掂喇, 味道又夠淡, 我阿仔勁勁勁鐘意食魚0架……. 不過唔知你地0個邊有冇新鮮魚買呢……..
好鍾意細細個''尾指天線"" ,super cute
睇黎佢兩兄弟係你忠實fans喎,煮咩都like!好易揍
又比你挑起我條根,一講整野食我就興奮~ 首先出場係~南瓜忌廉湯..南瓜切粒加水煲林—>加忌廉/花奶/又或者金寶任何一隻忌廉湯又得,(慢火煮一煮)加粟米粒又得,唔加又得,加飯又得,咁就…….得左. 跟住出場係薯蓉小姐~薯仔烚林,去皮加花奶牛油搓爛即可. 或者薯蓉沙律~先搓爛薯仔再加白汁(白汁冇咁酸)/沙律醬,可以加d甘筍粒(出出水,林林地,方便d細路食)/粟米又得.任你ja. 唔好意思,講埋呢樣我會自動消失架啦…. 肉醬撈米.~水滾落米粉,熄火焗林佢.肉碎先調味,(粟粉.豉油.糖.油<—奄肉架.)開鑊炒熟佢,再加小小自己鍾意ga任何醬汁.(李錦記果d呢),蕃茄肉醬撈米,一樣咁好味.我2隻仔.以前細個食唔少.. 撈落米粉度.食得~….我即消失……
細細出動"滋味手指尾"?!
煮依個我唸佢地會好鐘意
其實湊2個最方便都係整焗飯,用雞,豬,牛配合唔同蔬菜,例如紅蘿蔔,鮮冬菇,薯仔等,唔駛睇火都開到飯!
廿四孝媽咪
型仔過劉華!!!!!
我嗰陣又係專登買書煮嘢俾佢地食架, 薯蓉都唔錯架加D芝士西蘭花碎