Spaghetti~O!!
未嫁之前。當然唔使我煮啦。。
到嫁左喇。就有老爺奶奶煮。。
終於。由呔仔開始食固體。就開始左我既"廚房生涯"喇。。
真係唔知點解。佢地兩個既野我執得好正。。
自己唔食唔緊要。最緊要佢兩個有飯開。。
我係果D…比佢地食多兩餐街外野會內疚既人。。
太油。太咸了。大人食完都口渴。何況小朋友。。
我係零廚藝的。所有野都係原味。清蒸。無油少鹽。。
好多時都唔落鹽的。因為覺得佢地既小食已經夠足sodium (e.g 芝士)。。
蒸肉蒸菜煲爛飯。係我每朝早都做既事。。
幸運地。佢地都好肯食我煮既"無味飯"。中午晚上各一大兜。。
鐘唔鐘意就唔知喇。。
無辦法。媽媽唔識下廚。係無咩口福架喇。。
除左菜肉飯。間唔中會整粉麵。。
都係白霎。加芝士調味。。
果朝又諗住蒸牛肉餅。無啦啦見到有罐金寶茄湯。。
好﹗不如試下整茄汁肉丸意粉啦~~~
原來係好容易整架咋。煮傑少少茄湯。用匙一粒粒咁"不"D肉落去。好快熟。。
撈意粉就食得。yeah~~~
兩隻野食得好開心。第一次覺得好有滿足感~ 呵~~
為左兩隻仔有啖好食。我會努力架喇~﹗﹗
呔 : 好好食﹗ (真實對白)
"唔~ D牛肉丸好有牛肉味~﹗" (設計對白)
細細鐘意自己渣叉食野。叻~﹗﹗
兩個一齊開餐去~
細細比較幸運。咁快可以食好味野。。
哥哥就由細"無味"到大。而家先開始食下"有味"野~ 哈~~
爸爸訓醒。將細細調到前排坐。方便影相~
細細好比心機咁"吉"~
最後都係用手方便 (留意細細"尾指天線"" 同媽媽一樣的~ 哈~~)
哥哥食到烏晒咀。。
細細又電人喇~~~~~~
YUMMY~~
爸爸引細細。。
電視撈粉。。
滿足地笑。。
哥哥真可愛。。
細細 : "爸爸影夠未呀。咪阻住食粉啦~~~"
呔 : 哦﹗仲影~~﹗
細 : 收你相機丫拿~﹗
食得幾得戚~﹗﹗
哥哥又出招~~~
最後媽媽都係一人餵左細碗飯。。
唔知點解我覺得係要食碗飯先夠照。哈~~
咁你地平時除左飯。仲會整D咩比小朋友食呢??
等我有得跟下都好丫。唔該晒~~~
呔仔吊住對腳食飯會唔會唔係幾舒服 ?
http://hk.apple.nextmedia.com/template/apple_sub/art_main.php?iss_id=20110301&sec_id=12187363&art_id=15024484
你試下跟li條line參考下我覺得幾o呀,因為我個仔同呔仔一樣大(我個仔11月4)我試咗南瓜滑雞佢好like呀..^^
Kelly ma… 好野, 好味, 好吸引, 又滿足
為左以行動支持你做個越煮越好味既有營媽媽, 我決定…
放假日子去圖書館睇下兒童食譜, 再post俾你睇. (因為, 我同你一樣, 唔識煮飯架… 哈哈)
不過, 車呔仔都可愛到暈, 我都要做下魔鬼, "谷肥佢地兩個"… 細路仔, 成日周圍跑, 跑多幾跑又冇晒ENERGY又瘦番…. 兩個又鍾意食, 都係食多D好. :)
SORRY, 我多口想問句…
細細用果隻"金屬叉", 怕唔怕佢有時將D"意粉"放入口時, 會整親?
因為, 好似話3歲以下既細路仔都係冇乜危機意識呀…
定係, 細細人仔細細, 已經識分膠叉/金屬叉邊隻好用D, 所以唔鍾意用膠叉?
[版主回覆03/03/2011 15:41:00]唔會呀。我覺得用金屬ok。佢識就唔會吉親自己呀~ 而且經驗之談。用膠"差"d麵未食到口就sir返落黎架喇。 唔係好"食力"。明唔明我講咩?
睇見佢地2個小朋友食得咁開心就知kelly你今次整意粉十分之成功啦!!!
鼓掌~~~~~
蕃茄碎牛肉ABC粉
KELLY,,,你比起N年前煮果D( )進步左勁多WO~
[版主回覆03/05/2011 03:45:00]好多謝你既"鼓勵"~﹗﹗
明白晒!!! :)
因為, 平時見親d BB 餐具都係膠質, 個款設計上蠢DD, 冇咁"易"吉到, 但原來.. .亦會易跌番D野去…
THANKS KELLY MA :)
加油呀~~~~~~~~ 繼續煮好每一餐, 遲D WEAK 7都有份食你煮既愛心餐呢. 嘿嘿…
其實你真係叻過好多媽咪…
起碼. 你唔識煮野. 都會為D仔好..煮"原味"野~!
其實本身D菜.肉.. 瓜都有佢既味..加少少鹽調下就好夠..
好過食咁多香腸/罐頭湯/ 醬料果D… 其實 罐頭菠蘿果D水.. 一定一定唔好飲呀!! 勁勁勁多糖水的
我好佩服你.. 你果邊一定唔會天天出去買送.. 就算有. 睇你帶住2件都一定唔會天天去買囉~
咁其實你會買定D咩係屋企做食材架呢?
仲有一個問題 係呔仔都2歲幾喇~仲食爛飯??對佢說話唔好架..
2個仔都大了.可以軟身飯粒粒架喇~
我建議你, 可以整: "碟頭飯麵" 即係: 粟米肉粒, 菜心牛肉. 鮮茄什豆燴雞扒, 南瓜雞扒, 西蘭花鴨胸….
小朋友唔知點解好鍾意食南瓜,粟米,蕃茄..你可以自由配搭一下..可以變化好大..
南瓜,蕃茄可以有天然.原汁原味既汁..唔需要再加醬料架喇~!而且相信你果邊一定搵到
不如整薯蓉呀, 小朋友又易"不", 大人0個d自己再調味, 好方便