復活節。Egg Hunt

3月28日。放復活節前1日。。
呔仔學校有活動。就係"獵蛋行動"﹗哈~
響我自己畢業後。與及呔仔未返學前。我對呢D節日無咩留意~
皆日一年365日都是湊仔日﹗
但當佢返左學時。學校假期又成為我期待既日子。。
丫﹗應該係"我地"期待既日子~
因條友家陣成日問住係咪放假 XD

  幸運既係我仲係全職媽媽 (亦係全職夜班CurryBee打雜~)
可以陪佢好多學校活動。亦順理成章成為"義工家長"既鐵膽~

當日爸爸都返半晝。早上一齊同呔仔返學校玩 ^^
當我地義工家長們響飯堂攪緊D 蛋既時候。全校學生正在Chapel聽耶穌復活既故事~

為免大家又問我。做咩呔仔學校咁多唐人。。
無錯佢呢間係雙語學校。老師大部份識講中文~
當然小朋友好多都係唐人。但上堂一般講英文。低班 (呔仔班)有中文解釋的~
而再升高班(Pre-K)時就會全英文。預備升外面K-5你會容易適應~
其實外面好多都係全英文學校。
但我幫呔選呢間當然係因為佢本身性格難適應新環境。
如果一返學仲要雞同鴨講完全無助。咁對佢就唔多好~
同埋原來Artin媽咪話附近咁多間。呢間學校最多Playground。
小朋友活動空間充足^^
Artin媽咪勁我好多架﹗資料搜集充足~
我最叻咪四圍吹水問人攞料囉。哈~

我就咁講好多人都唔知呢邊讀書既級別點分。因為我初時都唔知 xD
3-5歲 = Preschool (可以唔讀。隨意)
足5歲 = K (一定要讀。即呢邊幼稚園其實只需讀1年)
升Elementary School (1-5年級)
Middle School (6-8年級)
High School (9-12年級。9th Grade即係我去美國果年中三)
之後上大學讀4年~

讀書時日子係最開心﹗因為我都無咩點讀過書 XD
最後果幾年大學係人生中最勤力讀書既日子﹗
因為做Design既野係最有興趣。有興趣既野日日做都唔覺悶~
成日覺得。做咩要學D咁深既數學?
而Phy / Chem / Bio又學左有咩用呢?
不過做人又真係咩都要識D既。但又唔使太深入咁囉。哈~
可能都係一個揾自己條路既過程。
即係如果你咩都唔掂下。又點知自己咁鐘意 / 咁唔鐘意呢?﹗
我成日懷疑。教Phy Chem Bio D阿Sir。係咪本身好鐘意呢家野架呢?
定係揾啖飯仔食下咁呢??
如果好鐘意。又係咪好似我咁見到D布或者靚既Design會好興奮。
咁佢地見到D野溝溝埋埋。因子分子。係咪都會有說不出的興奮呢? XDDD

愈講愈遠。停唔到添﹗都係講返復活蛋~
P.S. 細細講 復活蛋"" 係……勃末蛋 @@ 好可愛 XD
細細未講到F。會變左B。果時呔仔都係咁。大大下就自動講得到~

Miss Sara講故中~ ^^

幫手Set好晒雞蛋遊戲。即返Chapel瘟仔~