搶錢火車 + 新鮮滾熱辣兩段片


呔仔近期熱愛 Thomas火車。瘋狂既程度已經蓋過左消防車了~
無論早午晚。誇d 講句係分分秒秒都係"砵砵。砵砵。砵砵~~~"
半夜彈起身 "砵砵"。晨早起身又"砵砵"。臨訓前又"砵砵"。。
就黎成個世界都係砵砵了~~~
 
真係得意喇。早半年比呔仔睇Thomas。
就算響身邊陪佢睇。解佢聽。佢都唔鐘意。。
見到撞車呀。潑油呀果d場面。仲驚。要我換碟。。
事隔半年。完全另一回事。自己睇得好緊張。又笑。。
可能又到另一個階段了。開始明白多左。。
又或者知道只係卡通。唔係堅撞。所以唔驚。。
 
都唔知係幾時開始。應該係禧爸送左呔仔第一份 Thomas玩具後。。
(喂。真係多謝晒噃老友~ ﹗)
呔仔就開始愛上火車既玩意喇~~
我同weak7亦由覺得佢好樣衰。變成鐘意左佢。。
因為比起其他咸蝦火車。佢確實又係幾精緻既~
仲有好多配件。我地都鐘意玩埋一份~~
 
不過呢個火車玩具。真係好搶錢。。
單單一個 Thomas engine 。就要10蚊美金。。
好在我地玩開既係"Trackmaster"膠路軌果種。無木果隻咁貴~
(禧爸算做左件好事。一開始唔係買wooden track比佢 )
 
聖誕節。買左幾份玩具比呔仔同細細。。
其中一份係 Thomas take n' play既玩具。係可以褶埋。帶出街玩既系列~
(真係識揾錢)
 

Dec-16-2010

收到禮物既小子。開心得佢丫~~~

自己興奮到忍唔住彈跳。自轉~~

選呢份因為真係好好玩。我而家都成日玩~~

呔仔呢個樣。令我地想起以前細個。。

好鐘意慢慢研究個盒上面既圖。睇下點玩。有咩玩法~~

好投入呀~~~

細細攻過黎~~

開始爭野玩喇~~

哥哥努力保護新玩具。。
其實每次開玩具。我都會同呔仔講係兩份玩既。要分比細細。。
不過睇書講過。3歲以下既小朋友。好難做到"分享"。。
唔好話分。唔搶埋人地果件已經好好。。
呔仔會分d無咁鐘意既比細細。其實已經唔錯了~~

好喇。開黎玩喇~~~

2010最新產品一覽

哥哥分左一舊唔關事既"隧道"比細細。就開心到咁喇~

"好野。哥哥好錫我架~~~"

細細十分興奮~~~

仲猛bu 口水~~

遊戲中~~

媽媽同哥哥合照一下~~

可以同呔仔本身有既 Percy火車一齊玩~~

細細突然食地~~

哥哥唔比玩新玩具。細細唯有同爸爸玩~~

監場~~~

細細想食左我。。

流到我成面口水。好凍呀~~

採礦??

又可以拼埋本身有既take n' play路軌~~

Percy入左隧道了。。

拉個掣。條橋會震。火車會自動滑落。都幾刺激架~

可以開關既通道。。

火車可以衝破隧道。。

真實對白 : "多謝媽咪"~

此時爸爸多數會話 "呔仔。係爸爸做野賺錢架~"
睇開d啦爸爸。你個仔未知咩係返工揾錢。淨係知道媽媽話事買唔買得。哈~

今晚
Dec-27-2010
新鮮滾熱辣兩段片
細細行行 + 呔仔講拜拜

             

 

             

還有好多我們家的最新動態在FB專頁上唷!歡迎點Like加入大家庭! »