呔仔2歲1個月。細佬10個月大
11月26號。細佬已經10個月大喇。。
呢期好多新招呀。雖然未放片上黎。不過都講下比大家知啦~~
呢期好多新招呀。雖然未放片上黎。不過都講下比大家知啦~~
***上幾個星期開始識拍手。仲拍得好響呀。。
而家見到哥哥拍佢又拍。聽到"好野"又拍。。
最鐘意一坐上high chair就拍手 (唔通知道開餐?
)。。
一邊拍一邊笑。好似好叻咁。好鬼過癮呀~~
*** 識得自己擺星星餅入口。都幾靈活了。。
***另外細佬既 1st word。唔係媽媽。唔係爸爸。。
竟然係…….."嘰等"
呀﹗﹗﹗﹗
因為哥哥日日不停"嘰等~嘰等~嘰等~~" (雞蛋)
所以細佬都一齊
丫。其實哥哥日日都mami mami。點解細佬都唔叫我既呢? 呵~~
竟然係…….."嘰等"
呀﹗﹗﹗﹗因為哥哥日日不停"嘰等~嘰等~嘰等~~" (雞蛋)
所以細佬都一齊
丫。其實哥哥日日都mami mami。點解細佬都唔叫我既呢? 呵~~
仲有就係2nd word 叫"baba" 先呀。都仲未叫mama""" 
又鐘意"呀。呀。呀"咁叫人睇佢。讚佢就會興奮到跌低。。
細細9個月多 d就自己用 walker試行。行左2星期左右。就想放手試行。。
呢件事。係佢自己決定架﹗我地都無特別教佢。。
哈~~ 踏入10個月大。就企得穩。仲自己行到3步啦~~
可能日日見到哥哥跑。好想好似哥哥咁啦~~
而家就愈企愈耐。同埋每日都自己苦練"行行"。真係好有毅力呀~~
仍然係食人奶。1日5-6餐。。
每日都係3餐。生果或芝士米糊。兩餐菜肉爛飯。。
而家細細都食到好傑。所以哥哥都可以煮埋一齊食。。
小食都係米餅麵包香蕉之類。都好鐘意飲水。。
自己用吸管杯愈黎愈掂。但有時都會飲一啖漏返半啖出黎。。
訓覺方面都好準時。晚上10點左右眼訓。早上9點左右起身。。
近來都可以訓到一整晚。好有進步喇。。
但仍然係天光就開始嗌。要抱或者訓響我肚腩。。
好鐘意挨住我訓。哈~~
今次細細無被"特訓"。希望佢自己會愈訓愈好啦。唔好再嗌啦~~
呔仔就2歲1個月大啦。。
佢 d古怪野真係愈來愈多。實在太攪笑喇。。
例如佢近排好在意自己隻褲腳。一發現戚起左。無論做緊咩都要扯返佢落去
又唔鐘意我響屋企換衫。一發現我著左出街衫。就要我除。話唔靚。。
(係﹗佢話媽媽著晨褸唔梳頭最靚~﹗-___-")
近排食左唔想食既野。好鐘意偷偷揾位 lur。。
例如係佢架垃圾車仔入面。又或者剷泥車仔。。
開始有"聲氣"。即係果 d"o下 ? 哦﹗噢﹗哇~~"
又或者扮打"乞~~嚏~~~"好得意架~~
發現佢開始哼歌。有時會幾句咁樣哼出黎。。
又鐘意點我唱歌。講 "boopboop"就唱 Thomas。"bibu"就唱Fireman Sam 等。。
正式進入 Thomas 世界。火車玩具就快打底 Bibu 車喇。。
每日都要睇 Thomas同玩火車。口中原斷bubu bubu~~
講野方面都進步左好多。表達得好好。。
開始幾個字拼埋一齊講。例如講"餅"有時會講埋"蕉蕉/菜菜"。。
多左好多新既詞語。好多時估到佢講咩佢就會好開心~ 哈~~~
小朋友。得到肯定。成功做到一件事。真係會好快樂呀~~
呔仔仲未識講"呔仔"。但就叫自己做"哥哥"。細細就係"BB" 。。
有時做左衰野會認。有時就會老屈"BB "。。
我地好少責罵。因為鬧佢會形成佢唔敢認。慢慢會講大話。。
知錯。認錯。被原諒。希望佢覺得係咁樣。。
其實都發現左好耐。呔仔係個好感性既小朋友。。
平時睇到/聽到D慘野。悲傷既音樂。佢都頂唔順。會谷眼淚。。
上星期睇"叮噹"-大雄的恐龍
佢睇到大雄要放走恐龍既時候。喊到好慘呀~~
我地唯有不斷安慰佢。太感動了。。
丫。呔仔呢個月開始。有"停車場恐懼症"。。
一定要我地抱住。唔肯落地。。
仲講出新字 。話 "驚驚。抱抱"~~
見到佢面容扭曲。尖叫。都幾心痛。。
不過都好既。起碼去到多車既地方。唔會自己亂步。唯有咁諗。。
希望呢個情況會慢慢改善。遲D唔會驚得咁緊要啦。。
食野同訓覺方面都係一樣。同大人一樣。哈~~
而家下午多數會訓一覺啦。weekend出街就會亂晒。。
* * *
今朝6點幾。爸爸入房拎衫時偷偷影底既照片。。
(特別鳴謝 : 呔仔示範失傳已久既絕招"較剪腳"~﹗﹗)
唔怪之得朝朝訓醒都好似比人打完咁啦。。
還有好多我們家的最新動態在FB專頁上唷！歡迎點Like加入大家庭! »
