感恩節痴餐@禧家
我除左瘋狂online shopping之外。就係四圍痴餐~
買左咩等我收到貨再影比你地睇。。
而家就講下星期5果日去左禧禧屋企果邊開餐先~~
我地中午出發。一齊食埋lunch。。
哇哈~~ 係遲左半粒鐘。不過禧爸媽好體諒我地。。
淨係講左句"唔使急"。無講埋"最緊要快"~~
冬天黎緊喇。呢幾日突然凍左好多。。
秋天過去既証明。。
呢個景好舒服。。
唔怪得之呔仔咁鐘意執地上既葉。原來係爸爸遺傳~~
"紅紅黃黃葉兒伴我窗。飄他方的你可有著涼~~~"
禧爸帶我地去佢佢地既飯堂。係食粉麵飯既。。
味道一流~~﹗﹗特別是果舊半肥瘦叉。。
不過細佬呢排唔乖。出親街食飯又要企。又要抱住行。。
好在有禧爸媽幫手湊。我地先有啖好食咋。。
所以中午都無機會影相喇~~
去到禧家。同聖誕樹合照。。
本身我地上年都有買。但呔仔喪扯。最後都係退左。。
好鐘意聖誕樹呀~﹗﹗我諗要等細佬都定檔。先可以擺喇~~
(不過果晚見細細又無攪過棵樹噃~)
呔仔對呢個琴無咩興趣。是但講左幾句野就走頭了~~
細佬都好開心呢~~
每次黎都有唔同玩法。。
無記錯第一次仲未坐得穩。之後就識反身。。
今次喪爬啦。又識企識扶野行。可以同哥哥們一較高下啦~
帶左份玩具比禧禧哥哥。玩得好投入~~
細佬同棵樹好襯~~
呔仔熟晒架步。第一個帶頭入sun room玩玩具~~
車。對呔仔黎講係百玩不厭既~~
禧媽預備晚餐。。
細佬幾鬼得戚~~
細細自己zip來zip去。摷玩具玩。好過癮呀~﹗﹗
下次黎。可能已經識行啦喂。。
拎泥膠。但開唔到~~
"禧禧哥哥"。係呔仔第一個發4聲音既詞語。。
你話呔仔幾鐘意哥哥丫~~
不過哥哥都好痴纏架。次次都話要呔仔留響度過夜。。
話淨係呔仔可以同佢同床。細細就要跟返我地訓隔離房。。
但佢兩個全程係自己玩自己架噃﹗唔係太多交流架咋~~
唔通小朋友既感情係唔輕易流露出黎。見到響身邊就開心架喇??
美味呀~~
爸爸玩完大仔~~~
再玩細仔~~~~
(你似比人玩多d喎爸爸﹗)
禧禧父子檔。。
我地攪亂檔~~
呢兩個哥哥姐姐真係唔話得。。
好彩我地細你地少少。可以做弟妹角色。否則都唔好意思次次做大食懶~~
一個走鬼。一個打晒喊露~~
你兩個一樣樣。。
開餐啦~ yeah~~~
細佬成粒魚旦咁。。
知我餵細佬多顧忌。每次食野禧媽都會細心咁幫我安排。。
"真係好多謝你~~
"
但牛排太美味喇。忍唔住都食左一舊仔。。
好彩細佬濕疹無發。。
咁下次可以食多d喇~~
薯菜。。
3色BB薯仔。我覺得紅色最好食~YUMMY~~
原來我同禧爸口味好接近。。
(所以我鐘意 Liza姐)
餐後甜品。係咪流口水呢~~
心太軟
唔知以為去左酒店。。
禧媽話今次整得麻麻。我又覺得ok呀~~
味道80分。心意100分~﹗﹗
食飽傾下計。幫佢地沖埋涼。。
就係咁。我地攪到10點幾先走~~
走果時禧禧同呔仔都好似唔捨得對方。。
兩個一直目送對方直至開車走。。
細細上車無幾耐就訓左。一直訓到第二朝。。
呔仔就離奇喇。一直唔訓。返到屋企仲要求玩米米玩具。。
我地沖晒涼。的佢上床熄晒燈。佢碌來碌去攪到成點先訓著。。
可能真係玩"創"左。兩個成晚不停嗌。不停醒~
第二朝起身。發現手提電話漏左響禧禧屋企。。
唉呀。真係大檬~~
結果要勞煩佢地出黎比我。順便又黎我屋企同呔仔玩。食埋晚飯先返去~~
呔仔就攪笑喇。知道禧禧哥哥會黎後。一直唔肯訓晏覺。。
人地黎到就喪轉圈。喪跑。喪笑 (佢自創歡迎客人既方式)
一直玩到我地出去食飯。佢上車唔夠1分鐘就訓左喇~﹗
我地食晒成餐飯。佢醒過又訓返。。
真係多得禧禧哥哥。我地食飯又睇少一個﹗正~~﹗﹗
禧媽有講我地當晚痴餐經過 —>車呔禧感恩節的晚餐
