沮喪。。

自從同左weak7一齊之後。可以令我沮喪既事情。真係少之又少。。
多數有事。我都會同佢講。等佢幫我解決。。

沮喪。係要我一個人去面對既事。。
凌晨一點。想喊想喊。。

呢一兩個星期。細佬果兩隻牙仔愈來愈長。又利。。
時時咬到我好痛。。
又成日食食下奶濁親咳。 咳就連續幾下大力咬落去。。
結果愈來愈痛。細心檢查。原來損左。每邊兩個血紅小牙印。。
由於隔幾個鐘又餵。無康復既機會。。

呢幾日特別嚴重。每次餵細佬都好似行刑咁。。
同細佬甜蜜溫馨既時光。突然無左。實在接受唔到。。
感覺擔心。失落。好無心機。。

埋身餵左差不多10個月。其實已經不錯。。
今晚試下比奶粉細佬飲。果然真係不出我同weak7所料。無呔仔咁順灘。。
飲一啖已經推走隻杯。勁推。。
唉。有奶又餵唔到。細佬又唔肯飲奶粉。真係好沮喪。。
如果聽日再試都唔肯飲。就要泵奶。。
一諗到呢度。仲沮喪。。
唔知點解我好怕泵奶。條頸同膊頭超攰。加上洗呢樣洗果樣。又雪又煲。。
湊兩件氣都無得抖。仲要唧時間出黎泵奶。諗起都煩。。

天呀~~~~~~~~~

頭先細佬訓訓下又醒。點抱都唔肯訓。一定要扭到啜奶奶。。
由佢喊。喊左好耐都唔肯收聲。仲猛R頭。癲左。。
喊到weak7入黎查問。。
唉。唯有又比佢啜。即刻收聲。。
由於食完無耐。佢狂啜都無奶出。咬到我好痛。痛到標眼淚。。
拉返佢出黎。即刻喪喊。又啜另一邊。。
唯有忍。好唔開心 。。

呔仔好乖。細佬喊都咁都唔醒。訓到扯晒鼻軒。。
細佬都乖。食完奶奶就加入樂隊。同哥哥夾 band 。。

不過呢個壞習慣。真係要改。成10個月都唔肯一覺訓天光。。
真係好辛苦。沮喪 x 100000000