禧家BBQ。。
(雖然我成日叫禧媽做 Liza妹
)我地兩隻野亦都由正常人。化身大食懶。。
(仲要係又食又拎果隻
真係好唔好意思架我地?﹗)
每次去禧家。哥哥姐姐都將我地一家四口照顧得好妥當。。
可以用"皇帝式"享受黎形容禧爸媽細心又貼身既安排。。
係差在要自己擘大口食野架咋~ 真係有"飯來張口"既感覺~~
加上食完野。我地拍拍蘿柚就走得 (好似無拍添呀﹗)
臺面剩返一大堆手尾。成地玩具。佢地就係咁話 "夜喇。你地快d走喇~~"
仲送埋我地出門口。通常大家講足幾廿次拜拜。。
9月3日。上星期五。禧家果邊三十幾度。禧媽話可以玩水 + BBQ。。
呔仔一去到。即刻玩玩具。。
禧禧哥哥 "等我教你玩啦細路~﹗"
呔仔留心睇。。
禧禧比起上次見。好似又高左。。
大食懶一號。。
"媽媽。你咩事咁開心呀?"
"你唔知咩仔。我地黎呢度渡假丫嘛~ "
"哈~ 係噃﹗真係好爽噃~~"
偷偷地同禧禧合照。。
原來都好難引哥哥望鏡頭。。
"爸爸咪發癲啦。比返我玩啦~ "
細佬仔。。
禧禧哥哥既新玩意 – Duplo積木
吹呀吹。讓這風吹~~~
"哥哥呀。睇住我個頭呀﹗"
" 得啦~ 你扶實啦~~"
細心既禧媽又提我地帶playmat。等細佬可以安全地玩。。
當禧禧哥哥完成佢既傑作。。
此時呔仔已經在廳食緊豆。。
"唔~﹗太正啦~" (又是禧媽對呔仔喜好既細心表現)
真係自得其樂。食到繞晒腳。。
無幾耐。禧爸又為我地預備好水池。連拖鞋毛巾都準備好晒~~﹗﹗
(喂。你地想點呀? 再咁樣我地搬過你隔離以後痴住你地架喇~﹗)
青蛙呔。。
熱到呢~~
禧禧已經一野跳左落水。。
呔仔就氹左好耐。最後要出動爸爸一齊先肯落水。。
細佬就….次次未落水已經喊定先。都係入返去嘆冷氣 (益左我~~~ )
池底太跣。呔仔企唔穩。全程爸爸抱玩。。
禧禧就叻。可以自己玩。。
大家上水後。禧禧意猶未盡。同禧爸打千秋。。
呔仔已經沖埋涼。飲緊奶奶。。
禧媽仲將呢件褸送左比呔仔添~﹗
轉個頭。禧爸又化身燒烤人。三十幾度下一個人燒燒燒。。
實在太….偉大了。。
"細佬你睇下呢個叔叔。個頭頂出緊煙喇~~"
禧媽忙緊。呔仔就遊盪緊。。
我就嘆緊。。
各有喜好。。
細佬全日都呢部唱機最有興趣。。
呔仔食完飯前果。士多啤梨。。
開餐喇~﹗全是燒烤人禧爸精心傑作。味道好好~
加埋禧媽鮮搾 mix-berry juice。超正~~
再次多謝晒兩位既款待呀~