呔仔1歲10個月。細佬7個月大

日期: 2010年09月01日下午05:00｜回應: 無回應｜瀏覽數

哇哈哈~~~
今個月我真係好好好開心呀~~﹗﹗

事關細佬d濕疹好返8-9成。。
仍然每晚用芫茜水浸浴。。
有時出粒粒。我即刻用藥膏點少少。暫時兩個禮拜都無再發。。
不過我留意到。佢一熱一出汗就會紅。所以佢著好少衫就夠。。
同我一樣。勁熱底人。。

(唉。南極星又玩隔字 )

1歲 10個月大既呔仔。今個月無度高磅重。。
仲有兩個月就 2歲喇。是間過得真係超快。。
愈來愈古靈精怪。不停嗌我地。輪住嗌。。
嗌到我地應佢為止。。

車痴一名。但心頭好仍然係消防車。大小不拘。。
已經由車伸延至衫褲鞋襪。圖畫。用具。。
總之一見到就指指指。。

開始講 2-3個音既 BB話。開始跟我地口水尾。。
而家叫我同爸爸。有時會係 "Mama Mo… Baba Bu…"
回應既說話多數係 "知 ﹐ 好 ﹐ 得 ﹐ 係…."
又會講下 "跌跌 " "Bubble"等等既簡單字。。

月頭既時候。呔仔第一次指住 Pat Pat話我知佢 PooPoo左。。
之前一直要監視細佬。未得閒開始同佢戒片。。
而家細佬可以自己坐定定唔 R頭。我就可以開始帶呔去廁廁喇。。
希望呔仔可以成功戒片啦 ﹗ 一齊努力呀 ~~

至於食量。仍然有煮爛飯比佢食。都係菜 +肉。。
早午晚 8安士全脂奶。。
又會飲大量水 /豆奶 /果汁 /湯等等。。
仍然好鐘意食菜 & 生果。。
雜量就多喇。因為佢阿媽我食零食狂。。
每次我開餐。佢都會分少少。。
佢每次見到我攞零食。我地兩個就會對望。然後奸笑。。
呢 d就係我地兩個既歡樂時光啦 ~
多數係咸既零食。例如什菜條。甘大支之類。。
我好少比甜野佢食。我都係鐘意咸野既。。

至於品行方面。我覺得呔仔都算易教。。
因為我好多時都企硬。危險野話左唔得。就扭都無用。。
而家解釋左佢會明白。會接受。。
加上我其實都好放寬。只要無危險既。我都放手比佢攪。。
其實好多時候。佢係想摸下攪下。知道係咩一回事就收手架喇。。
我成日提醒自己。。
唔好因為唔想善後。而扼殺左呔仔對事物認識既機會。。
小朋友好奇心。令佢地對身邊所有野有興趣。想知想研究。。
唔可以咩都 "唔好。唔得。。 "
佢無癮之餘。自己都講到口臭啦 ~

* * *

細佬 7個月大啦 ~~
我覺得佢大舊左好多呀 ~﹗ ﹗

今個月就勁喇 ﹗ ﹗ 開行 Turbo呀 ~~
自從月中識反身之後。每日不停喪碌。經常都碌出界。。
前幾日仲開始狗仔式。肚腩離地。想向前爬。。
2個星期內。由未反身到有想爬既慾望。。
真係好堅 ﹗ ﹗

午晚共兩餐半固體。菜米糊 + Baby Food Dinner。。
仍然係埋身人奶。隨時食咁滯。。
因為細佬對媽媽奶實在太迷戀。。
就算食完米糊。嗌嗌嗌。點都要啜奶先安樂。。
係睇得出佢係因為想食奶而嗌我。。
一啜到果個滿足既表情。真係有 d ..唔識點講。都幾變態佬。。

開始識打開手抱抱。我地行埋去佢有時會舉高手示意。。
玩玩具同睇電視都係好好好專心。。
最鐘意睇卡通 The Raggs。一聽到唱歌部份。會自己笑。。

細佬痴媽媽既程度。比呔仔更利害。。
可能呔仔大個喇。有其他野轉移佢視線。就會暫時忘記我。。
不過臨訓前如果見到我。都一定會扭我抱。。
前幾日有一晚仲訓訓下彈起身。要出黎揾我。。
細佬就瘋狂喇。。
見少我一陣都唔得。。
一到夜晚。除左我之外。任何人抱都喊。。
據 weak7 同奶奶講。抱抱下細佬。佢聽唔見我把聲一陣。
就會周圍望。個樣開始不安。。
然後向上望下邊個抱緊佢。就會開始變樣。扁咀。大喊 ~~~
呢個情況。係我去左沖涼。或者暗呔仔訓。。
10次有 10次會發生。。
一見返我。就會破涕為笑。成個人安樂晒 ~
所以話我開大都唔得閒。涼都有時 2 日夾埋 1日沖。真係無誇張。。