學習分享。。
包括爸媽既注意力。陪玩時間。玩具等等。其實唔係一件容易既事。。
加上。暫時佢仲未發現有細佬既好處。。
所以我地只可鼓勵佢去分享。而唔係迫佢去分享。。
而細佬亦唔會得到呔仔心愛既玩具。只會分到呔仔玩厭左果d~
不過對細佬黎講。所有玩具都係新奇。。
哥哥比咩佢。佢都好開心架啦~~
細佬出世後。我地既注意力大多放響呔仔身上。。
唔想佢覺得有左細佬就唔同晒。。
好在。細佬好醒目。識得對號入座。。
我地同呔仔玩。引佢笑。就會聽到細佬響隔離 (或不遠處) 狂笑。。
追哥哥。錫哥哥。同哥哥玩到癲晒。佢都會響隔離狂笑。
自動參加埋一份。好enjoy睇到我地好開心既畫面。。
細佬真係好鬼可愛。。
而每次呔仔行過細佬身邊。細佬都會飛撲埋去想捉住佢。。
呔仔有時會同細佬笑。有時就扮晒大佬唔理佢~
不過我見到呔仔不時偷偷比玩具細佬。又同佢笑。摸下佢個頭。。
如果我地開口叫佢。佢就唔制。。
總之古古怪怪。有自己一 套對細佬既方式。。
8月22日。訓醒覺。同細佬出房。。
"早晨呀~﹗"
中午開餐。。
哥哥開餐。細佬都想食。。
細佬耳旁。有幾點白色。係被媽媽噴奶痕跡。。
"噢。琴晚食食下訓左。所以比媽媽噴到成頭都係。。"
粉麵可以自己食。飯就要餵。真係唔知點解喇~ 哈~~
難道是西人??
細佬出左一隻牙。牙痕到爆。每日都咬咬咬。。
"媽媽。我食紅莓呀~"
媽媽又忍唔住手買細佬新玩具。。
仲同呔仔講清楚。呢部車車係細佬既。。
而家問呔仔邊部車係佢。邊部係細佬。佢就會指住喇~
"好野好野。我有自己車車~"
身後既係呔仔車。呢部係細佬車。。
"噢~﹗ 細佬部車咁多野玩既~"
"你都未識坐車。等哥哥幫你坐住先啦~"
神氣呔。。
分野食比細佬。。
開心仔首領。。
"我好鐘意呀。多謝媽媽~"
在梳化上跳舞。。
古惑車。。
又玩脷。。
性感唇。。
交流中。。
"細佬。我比波波你玩丫。。"
"哥哥。我有d肚餓呀其實~ "
"哦。咁你要唔要蘋果呀?"
"好野~ 我有蘋果。哥哥比蘋果~~"
哥哥突襲。。
哈~ 你睇細佬幾興奮~﹗﹗
再突襲~
細佬O咀。。
細佬玩玩具好專心架。仔細研究個樣好可愛。。
坐細佬車擺大佬款。。
"趁哥哥唔知。快快試味先~"
"細佬呀。呢個係媽媽買比我架~~"
"唔好咁啦。一齊食啦哥哥~"
"你得一隻牙。點食呀~﹗?"
"唉。我得一隻牙。都係玩返波波算喇~"