虧虧地。。

頭先同一個朋友傾開。無意中講返以前既事。。
原來另一個朋友多年前放我暗箭。。
聽到果刻都幾突然。因為我都幾信任呢個朋友。。
不過又無咩唔開心。反而想多謝佢。。
幫我提早了結一段感情。。

呢件事。令我突然諗返起好多過去。。

多年前。媽咪有本命書。以出生年月日時辰計算。可以得出一個命格。。
我果時細個。唔知咩叫準。亦未証實到書中所講係咪準。。
但媽咪就話準到不得了。。
簡直將佢既半生。兄弟姐妹緣。講晒出黎。。

而我。命書有一句。我一直無太在意。。
多年後今日。我完全証實到。命書真係準到不得了~﹗﹗

除左話我旺夫益子。衣食無憂之外。。
(拿~ 我堅無吹水架o下~﹗ )

我命書中有一句 : 施恩處虧中吃虧

就正正講中我人生中好多事情。愛情。友情。都因為"幫得就幫"而瀨晒野。。

被好朋友出賣。信錯人。傷心到爆燈既至少有三次。。
借錢比人。一次又一次。差不多5位數字(美金 -__-")。條友閃左9年喇。。

有時會諗。如果我一早參透呢句說話。人生會唔會無咁多波折呢??
可能會。。
但事事計算。咩都怕蝕底。咁樣做人。就真係無意義喇。。
虧咪虧囉。無所謂。命運係咁樣安排。我只係順住走。。

而我想講既係。多謝當日既"因"。我先可以有今日幸福既"果"。。
一個Mr. Right。。
幾個肯定唔會出賣我既老友。。

朋友們。如果你遇到錯折。唔好傷心。豪比佢啦~﹗﹗
前面有大把好野等緊你。友情愛情都好。放棄"錯"。先會遇到"對"~~