去禧家。打邊爐
不過真係超眼訓。。
事關食晒5日西藥後。細佬濕疹又黎了。。
眼底又爛返。面。手腳。身。都開始有粒粒。。
雖然我明知西藥會係咁。治標唔治本。。
但要告別白淨左一個禮拜既皮膚 + 有覺好訓既日子。心情都難免有點down。。
ok啦。我同自己講。愈大會愈好既。。
細佬會不斷長大。即係會不斷改善啦~~
至少而家都無再爛。只係暗粒。算輕微架喇~~
* * *
上星期日我地又約會禧禧啦~~~
呢次係去禧家打邊爐。。
哇~~~ 果日我地直頭好似大爺大小姐咁。撓埋雙手等食。。
係差在佢地無餵埋我地咋~~﹗﹗
食到肚滿腸肥後。又拍拍蘿柚走人。。
臨走前仲要同兩個仔沖埋個靚涼。真係老實不客氣呀。。
得到禧爸媽超勁週到既招呼。。
走左之後。我同weak7都不約而同。講出自己好耐無比人咁樣款待過既感受。。
佢地實在太細心啦~~﹗﹗﹗﹗真係令人蹓漣忘返~~
禧媽已經出卜寫晒當日事件經過。仲有笑片睇呀~
(我又擺你上神臺喇 )
CLICK –> 禧+呔+車打邊爐
咁我都唔寫咁多喇。去相啦~~
禧禧招牌"食烏蠅"笑樣。。
好有心機教呔仔玩。。
收埋好多港貨呀~~
識坐真係好。唔使再望天花板。。
兩個成日走埋一齊。。
禧禧呀。細佬同你傾緊咩呀??
兩兄弟。。
好難引到3個都望鏡頭。。
禧禧好錫細佬呀。音樂一停。又黎幫細佬按。來來回回好多次。。
哇~~ 多玩具到呢~~~ 淨係車都有幾箱。。
呔仔由一去到。到走喇。都仲係摷緊玩具。唔係玩緊玩具。。
細佬先開餐。食到成咀都係。。
多謝晒~~
今次到我地又食又拎啦~~
禧爸媽送比呔仔既Percy火車。開黎一齊玩下先啦喂~~
細有細玩。大有大傾。。
咩事唔見禧媽蹤影。咪就係喱左響廚房。無停過手咁準備打邊爐既野囉。。
"我都真係唔好意思。你知啦。整野食我強項黎嘛~~
我響度諗。下次有機會你黎我度。。
我會準備咩野食呢? 第一個想法係…外賣pizza
算把啦我。都係去你度把啦~~"
請留意。遠處細佬係一直望住兩個哥哥玩。。
視線無離開過。哈~~
細佬呀細佬。過多幾個月。你都可以一齊玩架喇﹗﹗
合照一下。。
禧媽你係咪好想"中"你老公??
禧禧再食烏蠅。。
我終於同禧禧合照到啦~
今次記得同禧媽影返張相。。
開餐啦~ 你睇幾鬼妥當。幾多野食~~
禧媽細心到呢~
知我餵人奶。細佬又濕疹。專登上網查睇我有咩野唔食得。。
用鰂魚絲瓜淆湯比我做火煱湯底。。
仲要預備我自己一個煱。。
真係未飲啖湯。個心都已經甜晒~~
等食小孩1號。。
2號。。
邊傾邊打幾粒鐘。好滿足呀~~~
唔願食既呔仔撩左哥哥落地玩。。
咁多玩具。仲唔爭取時間咩~~
餐後。仲有超好味艼