濕疹進度。細佬彈彈騎騎笑

細佬上星期5去check-up。醫生見佢濕疹又發。於是提議食藥水。。
其實之前我一路都唔想再比藥水細佬食。。
都係治標唔治本。。
不過醫生話響好安全既情況下應該控制下佢。。
好啦咁。。
我都有好幾個月無真正咁訓過覺。真係好掛住周公。。
細佬。日又R夜又R。。
日頭唔使講。識除手套喇。我一行開。佢即除。例牌R到流血就自己大嗌。。
夜晚帶左手套又R。我一聽到R痕聲。起十幾次身幫佢戴手套。。
一唔係就痕到好似上身咁。抱住都典來典去。。
好多次天都未光。我直情拍醒佢。大家唔好訓喇。起身起身。。
個人就快爆炸喇~~~~ 好想有人救我~~~~~~~

終於細佬食左藥水。濕疹即散。。
最勁係眼底 & 額角果兩撻損左幾個月。擦咩都唔好既濕疹。竟然好番~﹗﹗
幾個月來第一晚訓得好好。我感動到有點想喊。。
想起細佬未有濕疹既時光。實在太易湊喇。。
好彩細佬係開心仔。咁攪法都無脾氣。每日只會笑笑笑。。
細佬呀細佬~ 你真係媽媽既快樂小寶貝。。
你咁高EQ。再辛苦我都唔敢炸你型啦~~

雖然明知藥力過後又會打回原形。但我都妄想你今次會一直好落去。。
大家都要努力呀~~﹗﹗﹗

上星期。買左架十字車比呔仔。全日屋企不停有WEEWOO聲。。

其實呔仔都有濕疹。細時勁少少。而家只會間唔中R下。。
頸背。又R損左。。

流血血。。

"比起細佬小意思啦~﹗﹗"

近排又喪食。又肥返些少。。

爸爸問 "喊喊係點架??"

日頭。有野引住細佬。或者陪佢玩。就會忘記R頭。。
所以出盡法寶。要攪到佢好忙。。
差不多6個月。條腰帶力。可以玩下彈彈。。

側面好過癮~~

哥哥黎8~~~

自己玩一陣。。

開心到震~~~

"唔﹗轉下對眼有音樂。。"

厚豬腳。同哥哥有得揮架~﹗﹗

對眼愈來愈大啦~ YEAH~~~

口擘擘無牙佬。。

呢個下巴。係咪好熟面口呢?? (喂﹗唔係講緊我啦當然 )

哥哥咩事要吸塵呢?? 

真係由細到大都咁鐘意攪電器。仲要唔重唔拎。吹脹~~~