呔仔1歲8個月。細佬5個月大
都係離不開因鼻敏感。打多兩個噴嚏。變左傷風。。
喉嚨痛左兩日。琴晚發燒。我feel到自己好㷫。應該係有少少乳腺炎。。
細佬好叻呀。知媽媽就快拉柴。兩個月以來第一晚訓得好好。。
淨係4點起身食完奶。又自己訓返。訓到朝早8點半。。
9點半又再訓。訓到點幾呀﹗﹗
一起身暈到企唔穩。全身酸痛。。
都係頂唔順。抱左細佬出去比爺爺。我返房再訓多兩粒鐘。。
起身探熱。微燒 – 99.7度
雖然老爺奶奶睇住呔仔。但半日無見。好掛住佢~ 
個心又諗住唔知佢做緊咩。佢地整左咩比佢食。我琴晚又無準備。。
發夢我一手抱呔仔一手抱細佬。仲夢見細佬出左好多牙添~﹗
真係仔呀仔。命呀命囉~~
大家唔使擔心我。我好返架喇。為左可以照顧兩個仔。媽媽既意志力好強
呔仔1歲8個月大啦 (20個月)。約28磅 / 31"
佢已經進入超級攪笑既年紀。。
會將好多佢覺得有關係既野連結埋一齊。。
開始有文有路啦~~
~~ 見到woody 阿Bob佢地跌左落地。佢會拿拿聲懶緊張。拍拍噯噯佢啦~
老爺唔提我都唔知。平時呔仔整親。我就係咁攬住佢。所以佢有樣學樣架~
~~ 撞到會指住自己。又會拖我地去話比我地知佢撞落邊度痛痛。。
~~ 分玩具比細佬玩。會比"第二最愛"佢。。
~~ 欄住佢個閘。佢已經識開喇~ 就算痴左velcro。一樣識搣 
~~ 開始拎杯 或者 食物既時候唔會倒到成地都係。。
~~ 對細佬仲有少少呷醋。成日叫我放低佢。仲會執好梳化仔叫我放細佬落去
講野方面。最主動講既係 "歌歌"。一去到電腦就會不斷講。。
講得到好多音都幾近磅。不過好少主動講。。
問佢就會答。。
問過幾個朋友。佢地都話個仔差不多2歲先講多少少。。
只要有進步。唔使擔心。。
食野方面一樣。爆左幾隻大牙後。又食多左野。。
月中自己戒奶粉。突然唔食。試沖將次都係飲一啖就唔制。。
又一次証明。佢每一個stage都會自我完成。。
至於細佬。5個月大啦~ 真係快快快。。
18磅 / 26" 睇返月曆。原來同呔仔5個月大時一樣高一樣重。。
細佬似乎活躍過哥哥。不斷彈跳。企又彈坐又彈。。
今個月摸到自己腳趾啦~ 好像好新奇咁~
學坐。今日自己坐。坐坐下有褶埋。不過無左搖右擺。開始識識地。。
前幾日開始想反身。差少少。努力呀~~
撲響度時。個頭都抬得好高。可以撐起自己喇~~
開始手多多。攪呢樣攪果樣。。
鐘意捉玩具放入口。不過無哥哥果時食手咁狂。只你間唔中食下。。
但講野就多過哥哥。最鐘意臨近前同媽媽傾計呀。可以不停講講講。。
好鐘意笑。哥哥錫佢。佢會卡卡聲笑呀~~
食奶方面。都係埋身媽媽奶。。
平均3 – 4個鐘一次。。
臨訓前就會食好耐。要食到飽到郁唔到為止。先會訓得淋唔再嘈。。
黎緊會比佢開始食米糊。希望佢唔會敏感啦。。
經過三個月既折磨。都開始捉到濕疹條路。有一套對抗方法。。
除左我戒口之外。我發現好多時佢發同溫差有關。。
我地住既地方較凍。但出到外面又會好熱。就會發。。
不過都無再爛喇。都係紅紅地。無之前咁勁。。
希望細佬再大個d。免疫能力提升。就會斷尾。。
叫weak7執左少少相。近排佢又忙整屋企野。累到爆。。
研究媽媽眼鏡。。
經常見到d好離奇既事。。
例如垃圾筒有爸爸個鏡頭蓋。雪櫃有舊積木。。
果晚有舊肉響度。呔仔仲要好好手尾咁關埋佢。。
媽媽攬住細佬。。
對眼突然大左咁多既?? 似媽媽。。
又細返。似老豆。。
噯噯細佬~~
經過媽媽細心觀察。發現一有人黎探呔仔時。佢就會即刻撲埋細佬到喪笑。。
呔仔自轉-ing。。
自己拎住一袋 芝士脆米。好滋味呢~~
