又黎止咳化痰啦喂。。

星期一。晚上11點。。
細佬10點就訓左覺。我暗埋呔仔。老公就入去大覺訓。。
自己再沖埋涼。洗落機衫。要等半個鐘。。
呢半個鐘。飲大碗湯。執兩張相。。
偷閒寫少少卜。止 o下自己咳。化 o下大家痰。。
( 真係有痰既朋友仔。唔好揾我。要揾醫生 )

過去呢個weekend。掛住去街街。。
放假嘛。得果兩日。同奶奶食下野買下日用品。。
同朋友仔聚下吹下水。執下減價尿片奶粉。又星期一。。

閒日。呔仔細佬訓得好既。我就可以趁佢地午睡時。寫卜。。
訓得唔好。我得返半條人命。就要同佢地一齊訓晏覺。。

佢兩個。痴人痴到。。
嘗試晨早唔過床。爸爸返左工。由得呔仔自己訓。我唔郁細佬。。
唔夠10分鐘。呔仔已經嗌。。
有次仲拎埋個電話(順手)。狂奔出黎。攪到我要夾返佢入房。又要抱訓。。
到試下我自己過床。唔搬細佬。因為朝朝搬親佢。佢都要我暗返佢訓。。
點知細佬唔夠幾個字。就開始嗌。。
為免嗌醒呔仔。最後又係的佢過黎攬住訓。。

(咩解究佢地明明訓到扯晒鼻軒。都知無人響隔離既呢?? )

其實可以唔暗細佬。佢自己會訓返。。
衰在佢""自暗""時。會ee um um。多數呔仔想到聲。就會想醒。。
我又會掉進一個兩難既局面~﹗﹗﹗
兩個一齊喊。兩個都想我抱。。
呔仔識郁。會僕埋黎。攬住我訓。。
但細佬又唔罷休。死扭要人抱起為止。。
最後兩個一齊起身啦。唔好煩~~~

所以基本上我每朝都係6點半起身 -___-""

愈打愈多。唔講喇。乾埋機衫。訓覺去~~