5月雜相。小手印

細佬之前好少 tummy time。我而家都會放佢在腳上。爬響我大脾度。玩多d~~
就快4個月大喇。僕響度時頸仔未太有力可以向上望好耐。要努力喇~﹗

比心機呀細佬~ 媽媽幫你打氣~~~

爸爸幫你照鏡~~

玩左一陣。坐低抖抖先~~
坐低就可以唔使靠頭。唔會左右fing。。

面珠愈來愈圓。開始似哥哥。。

好爛玩。一同佢有眼神接觸。佢就會即刻笑。撩你同佢玩。。
見到佢咁開心。又點忍心唔理佢丫。。
"細佬你好奸架。。"

"嘿嘿嘿。陪我陪我。同我玩。同我玩~﹗﹗"

有人問細佬眼仔做咩。又係濕疹。發果時眼就會腫。。
加上月頭時。右眼突然多左雙眼皮。。
望落。攪到變左大細超~~

*                                  *                                  *

自從爸爸幫細佬沖涼。細佬不爽尖叫後。。
幫細佬沖涼呢個重任。就交左比媽媽我。。
幫呔仔沖。就多數係爸爸。有時係我。有時又會爸媽一齊。。

某晚幫細佬沖涼。呔仔又入黎玩水。攪攪震無幫襯~~
趁我抱細佬入房著衫時。仲打左我一掌~~

"呔仔…你….你…. 係咩門….門….門….派架??
爸爸快….快快快….D…幫我揾解…解藥 X__x "

細佬濕疹時好時壞。咩方法都試過。好完又衰返。。
面珠仔好返又到個身。個身好返又到手腳。。
無得斷尾喇。醫生都話1-2歲會退。唯有等待啦~~

現時 面/腳 都好返。手/身/尿片位 就好勁。。
上星期細佬有幾日晚晚醒。嚇到我。以為佢開始百厭要抱訓。。
原來係濕疹發。成晚扭來扭去。訓唔到。。
唔發果時。又乖返。同平時一樣。。
希望快D大個仔。快D好返。好似哥哥咁滑嘟嘟啦~~

"細佬唔怕架﹗大個仔就可以同我玩架喇~~"
"呔仔呀﹗人地都唔係講緊同你玩。講緊濕疹呀~~"
"一樣啫。大個仔就可以同我玩啦~~"