Day4 清江苑燒肉。無啦啦東京
上回講到。我地去完Outlet 9秒9衝返酒店。擺低D野。
又即刻出動。去行新宿！話時話。好似除左第一晚落機行過男裝。
日日話新宿多野行。都未抽到時間 hahaha
趁D野多數10點收。唔食野住。快D爭取時間~
我地酒店一出大街。就有Lumine Est。好好行的女仔店~
又著新褸。哈哈哈！係咪好靚呢。岩岩響outlet買架。
都係雙面。裡面黑毛毛。6000 yen左右~
表弟又驚食唔到Harbs 水果蛋糕。講左幾日。今晚直情去訂定先！
買定轉頭10點拎！！
我鐘意呢個mille crepes。好正呀！
醒目仔話好彩一早買起。因拎蛋糕時已賣晒我個蛋crepes了~
都係果句。分頭行。一陣10點 Harbs見！
其實一個人慢慢睇野的感覺好舒服~
曾經鐘意過的少女牌子hahahha
呢度都有Beams但無咩減價~
依?！ 竟然係呢個星星Nylon Tote。
呢個係我04年響新宿Beams本店買既Tote呀！
10幾年都係呢個款既? hahahah
日本牌子就算款唔特別。但用料同手工都好靚~
我另一大愛鞋牌。超舒服！不過美國平D ^^
買左2件衛衣。返酒店擺低野。入夜凍到爆~
COLD STONE有出雪條喎！！
我琴日講勁鐘意飲既果茶。呢隻味超正！好香又唔太甜 ^^
抖一抖。落樓搵食~
好想食關東煮。但要留肚食燒肉~
上左風風亭。人家關門中。。
之後搵左呢間。一入到去。無 人 既?！
OH。有一臺。2個香港女仔。直接問踩唔踩?
2個…..有口難言。OK。即撇sssssss
之後黎左呢間。清江苑。拿老實講我覺得麻麻。
但po時好多人話黎過好食。入面都爆既。多人~
um… 唔係”燒肉一丁”果D入口即溶的牛。
好多部位都好”un”。我唔太like~ 如果大家食。
唔使要貴果個價錢。食basic果種都夠。
因我發現反而平肉仲淋仲好食。
特上級呀厚身呀之類其實無咩特別~ 反而一開波佢會預備左4款比你燒住先！呢4款野係最好味 hahah
就係呢D最正~
整體OK既。坐下食下吹下水~
有自助Salad Bar~
除左肉。仲有d海鮮~
Seaweed soup 都唔錯！
甜品我試左杏仁豆腐。真係幾滑。表弟就叫左黑糖雪糕~
哥哥仔響度yeah~
食飽飽。今日真係堅疲累~
表弟竟然提議執行李！！！
呢D係佢的。佢幫 frd買唔少野~
呢D係我的。除左紅格仔褸同cushions係呔細 hohoho~
無影零食。太多了唔執住~
其實連日來都有影野比7睇。不過條友堅煩架。
一定要自己試上身。唔係又話後面短呀戚呀。算啦！
等佢下次自己黎買~ 其實佢吼GU。我最後先幫佢睇 hahaha
快D食埋件蛋糕。又3點喇！！聽朝仲要去築地~
好好味呀！但表弟話佢鐘意食佢件CAKE多D~
我就覺得麻麻。無咩特別。可能太甜。我慣左淡味~
之後條友頂唔順。滯到佢求其食左幾啖就放棄。
結果我包底。啪晒2舊。唔好浪費嘛~~~滯到第朝起身都唔覺肚餓 hahahha
~ DAY 4 完 ~
由於前2晚都2點先訓。晨早送仔好頭暈。所以黎緊要早 D寫。
咁我可以攬仔訓唔使起身。好凍呀！富開張被要更大勇氣。
我放棄了捱夜。哈哈！
請問黑色(圖點)外套是什麼牌子?