Mar-29-2010。大蝦細

兩個禮拜啦~~~~
持續兩個禮拜細佬BB夜晚淨係起一次身食奶呀﹗﹗﹗﹗﹗
好勁呀。好錫媽媽呀。好叻仔呀。好開心呀~~~~~~
我都幾有信心細佬會自動戒夜奶。因為佢太鐘意訓覺喇~~~

細佬過去一個星期既訓覺時間 = 11pm 奶。4am 奶。8am奶。睡至10-11點起身
日頭就不定時。約 3個鐘食一次奶。。
儲得咁上下脂肪。可能無咁易肚餓。容易d訓過夜。。

不過對我黎講。即使佢 2-4-6-8 我都ok。因為呔仔細個時就係咁樣折磨我 -__-"
所以我話細佬好錫我呢~~

某個下午。喪訓三父子  

3月29日。下午。細佬訓得好淋之際。。
-____-"" 呔仔又偷襲細佬。。

"細佬唔好訓啦。起身陪我玩啦~~~  "

"我地玩 "貼頭頭" (音: 貼偷偷)呀~~"
"嗚~ 呀~~~ "

"媽媽。細佬唔願起身呀~~~"
" 唔得咁架。細佬訓緊唔可以嚇佢架。佢會喊架~ "

"哈哈~ 整喊佢都幾好玩噃~~"

可憐細佬獨自喊喊。。

無賴呔仔點都要痴埋細佬度。。
你睇細佬幾不爽。。

轉頭又訓左。離奇呀哩~~~

又一個weekend。又唔使晨早過床啦喂~﹗正~~~﹗﹗﹗﹗