呔仔16個月大。車仔滿月

一個月頭一個月尾。可以夾埋一齊講。貪方便~~

呔仔。1歲4個月大。27磅左右掛? (診所個磅壞既-__-") / 30吋高

今個月叻囉。識講多左好多發音。。
除左一直識既 "baba..mama..gaga..dada..rara.."之外。。
~ 多左 "fafa..woowoo..gwagwa…oh-ho.." 其實仲有好多亂up既音。。
開始一句句咁講野。講只有佢自己同細佬會明既BB話。。

~ 開始自己"不"野食。不過仲係好鐘意用手。同埋我都要餵一半。。

~ 識得點頭 = 好/要 。擰頭 = 唔好/唔要。
不過點頭同擰頭。都要成個身郁。唔識剩係郁個頭。超攪笑~~

~ 叫名會舉手。自己開關玩具掣。掉垃圾。拎野比我地。係一個好幫手。。

~ 比媽媽"周"到佢走去攪細佬。會即刻奸笑。。

~ 認得好多野。都係日常會見到既物件。動物等。。

~開始鐘意睇書。會逐頁揭。又會指住講。。

飲食方面。基本上都係一樣架喇。。
2餐主餐 (澱粉質/菜/肉/生果) + 3餐奶 + 小食
而家tea-time果餐多數唔沖奶粉。轉飲whole milk / soy milk。。
佢咩都飲架啦﹗哈~~ 飲埋d存貨就唔再飲奶粉喇~~
由於上個月呔仔食少左野。我梗要諗計攪攪佢。。
發現沖奶時加埋 baby cereal。飽肚又好營養d。。

到細佬喇。哈~~
1個月大。11磅半。22.5吋長

食奶都幾準時。夜晚3個鐘一次。日頭不定時食。。
訓得好好啦。有時半夜訓到唔想起身食奶。食少少又訓返。。

同哥哥一樣。最鐘意打側訓。係訓得最淋既姿勢。。
不過一打側訓就成日漏尿。好多時半邊身濕鬼晒~

睇返以前呔仔本月曆。原來呔仔果時都訓得幾差。。
一晚醒好多次食奶。。
差不多 4-5個月大。train完先起少左身。。
反而細佬訓得幾好。可能係陀佢果時成日同呔仔一齊訓。。
好早訓。又有午睡。。

仲有。細佬係一個屁精﹗﹗ 我都未見過一個BB burp完仲可以放咁多屁。。
訓訓下又放。夠膽響到自己嚇醒自己。。

呔仔果時好似好少放屁。連burp都好少。。
細佬就好勁氣。好彩唔係啜奶樽。否則仲勁~~
放完晒痾清晒。就會即刻昏睡。。

開始識扭抱。起左身就想人抱住同佢傾計。。
又要人抱住佢訓淋左先可以擺低。。

*                    *                       *

呔仔最鐘意倒晒d 玩具出黎。媽媽每日都執餐飽~~

一拉開個袋。就識反轉頭倒晒出黎~﹗

然後好開心咁玩。。

開始成為一個好 "mo~del"

媽媽又自拍親熱鏡頭。。

叫佢錫錫。永遠係擘大口錫既~ 哈~~

得唔閒又去睇下細佬仔。。

裝下佢又走人~ 哈~~~

咩都捐一餐。。

爸爸幫我地影既 "錫錫相"

又是睇醫生時間。。

訓到流晒口水。。

今次呔仔同細佬一齊睇。。

熟睡中既呔仔。叫極唔醒。都唔知自己就快打針。勁慘。。

好大對脾。哈~~

訓訓下比人桔。我地見到都心痛~~

喊到收唔到聲。。

走前終於平靜返。不過勁無奈。。

之後就去食Buffet。慶祝車仔滿月。。

毛揚表叔。。

開心仔。。

驗眼嗎??

細佬第一次吹蠟蠋。要快高長大呀~﹗﹗

一家四口笑騎騎………?
算係甘啦…..兩個笑兩個喊

玩balloon玩到sor左

笑到"拾熟"甘

我地全場最尾一檯走人
衰格