千萬個多謝。。

我係 Kelly呀~~
岩岩餵完細佬B。姑娘推左佢走。聽朝先比返我。我就訓架喇。。
不過我好想講少少野呀~~

我有睇晒 d 留言呀。一路睇一路笑。。
但睇到咁上下。我又忍唔住喊。。
太多太多支持。加油。。
太多太多真心既祝福。。
你地梗係話我眼淺。但我真係好感動呀~~~﹗﹗﹗

好似聽到你地成班人一齊。響唔同既地方。
突然放低晒手頭上做緊既野。大嗌 : 恭喜晒呀~~~~~~~~~~

其實個畫面應該幾爆笑。。
大年初一可以用呢條橋賣廣告。。

可能係夜欄人靜。 weak7返左屋企同呔仔訓。我先有機會咁感性。。
(並唔係性感 )
我都唔知講咩好。真係千萬個多謝﹗﹗﹗

特別鳴謝果 d 話我仲係靚mama既卜友。。
對一個陀到面腫腫。爆晒蒼。谷仔谷到成個豬頭咁既女人黎講。。
你地真係好心地…..好抵錫