剪崩頭…..

哇哈哈哈~~~~~
大家唔使咁緊張。我仲未生細佬B呀﹗﹗
去生之前梗會留個post "我地而家去醫院喇" 。到時先肉緊都未遲啦~
話時話。今朝清晨陣痛左兩次。我都以為生得。。
等左一陣又無再痛噃。攪到我都有點緊張。訓唔返。。
唔知今晚會唔會又黎料呢??

琴日既相。。
就快生細佬B。好快唔得閒。要幫呔仔剪下個頭喇~~
佢D姑婆成日話佢個頭前面D陰肉酸。攪到佢M字額。。
好﹗﹗我出手~~~~

剪紙小較剪一把。。

我黎啦~~~

專業到呢~~~

呢D叫…..

PUNK!!!

呔仔真係….慘
我地兩個笑到肚痛。。

"媽媽。我靚唔靚架?? "
呔仔靚~﹗

"媽媽話我靚~ 哇哈哈哈~~~~"

比媽媽讚完。好有自信既小朋友。。

齊陰呔仔。唔同晒樣。。

開心一整日。。

放心。我地玩下呔仔啫。。
是晚。的佢去Auntie婆屋企補鑊。。

好無奈既樣子。唔通呔仔鐘意媽媽剪既頭??

"丫。上面chop chop聲。究竟發生緊咩事呢??"

呔仔今次無扭計。好合作。係個樣憂鬱左少少。。

媽媽幫手撥走髮碎。。

Auntie婆好有心機幫呔仔剪髮呀﹗沖晒涼都要剪埋先~~
勁錫呔仔~~

變返靚仔。。

好似又唔同晒樣。。

呔仔咪坐爛細佬B張凳噃~
上限25磅。你過左喇細路。。
減價凳。$56 > $38 媽媽忍唔住買左比細佬B。。
連埋個音樂soother。等細佬B有D娛樂。。