呔仔晨褸。。

話說三藩市上兩星期突然勁寒。朝頭早得返兩度。。
我自己就唔係好怕凍。但係一起身果o下。都要即刻披返件毛毛晨褸。。
飲返杯熱豆漿。感覺真係好冬天。好舒服呀~~

自己咁嘆。又點少得呔仔果份架。。
開始上網摷下邊度有BB晨褸賣。答案係~~~無

小童就有。唔通BB太細唔著晨褸既??

醒起之前Shirley比左幾條毛毛blanket呔仔。可以用左佢~ yeah~~~~

一包三條巾。用左兩條黎整~~
首先揾呔仔一件牛角袖既外套。可以跟住裁。。
條巾褶埋同外套既身闊差不多。可以留番d邊&腳。慳好多車工。。

褶走對袖。剪個arm hole位出黎。。
再剪走領位。就係個身喇。。

度好位。剪對袖出黎。。

係﹗﹗係要趁呔仔午睡時先有機會整既。。

兩隻袖。。

剪完得出咁既布料。。

裁條領出黎。呢條係自己預位剪。大慨就OK啦~~

再裁埋四方袋 & 腰帶。。

記得加兩隻耳仔噃~~ 嘻嘻~~~

有晒料。可以開始車啦~
車對袖先。。

將對袖拼落個身度。。

就會出左個咁既樣。呢個係背面。哈哈~~

上領。呢個位比較難。要收條邊入去夾住條領黎車。。
PIN左佢先。就方便好多。。

完成咁滯~ 哈~~~

車埋兩個袋。腰帶 & 腰側耳仔就攪掂架喇~~~

Yeah~~~
呔仔都有晨褸﹗﹗好野好野~~~~

預大少少。希望下年冬天都著到啦~

"多謝媽媽~  "