全家流感。。
第一次感受到流感既威力。真係好勁~~
可能我同呔仔都係高危人仕。。
話說呔仔星期日開完生日Party。正日我地諗住同佢去水族館玩。。
果日weak7一早請左假。。
點知一起身。呔仔咳左幾聲。而惡夢就係由呢幾聲開始。。
當日中午呔仔開始唔掂。個人謝晒。勁累。。
之後就愈咳愈勁。仲流埋鼻涕。。
我地即刻帶佢睇醫生。開左止鼻水 /咳/ 退燒藥。。
當晚。呔仔就發燒喇~~~
101度左右。都屬微燒。食左兩次退燒藥又退返。。
第二日。可能我地成晚攪佢。唔夠訓 + 傳染。。
我同weak7都瀨野了~~
應該係我比較利害。我地同呔仔一樣。狂咳 + 流鼻涕。。
而weak7就返左半日工。頂唔順返左黎屋企。。
結果係成個禮拜都無返工。要好返先得。以免傳染比同事。。
當日上午。呔仔又燒。又食藥退左。。
第三日。我又勁左。仲發燒添~~
唯有打去問醫生。大肚婆有咩藥食得。。
食過咳水 / 退燒藥都好返少少。不過成個人無力。。
之後兩日。大家都係咁溫溫燉燉地過去。都無好過。。
到上星期日晚。呔仔肚痾。可能係痾返d 菌出黎。。
勁毒﹗﹗ 第一篤已經醃爛左pat pat喇~~
痾左十幾廿次。每次都要帶佢去沖pat pat。攰到我地屎屎下~~
最心痛係醃損左。次次沖呔仔都大喊。真係….唉….
買左Pedialyte比佢補水。唔食得奶。會痾得更利害。唯有食白粥 / 狂飲水。。
好彩第二日無再痾。。
又叫醫生開化痰止咳比佢。不過西藥無咩效。食左個幾禮拜都唔清。。
又比下猴棗散佢食。清下d痰。。
到而家都仲係咳 + 鼻涕。但就無之前咁利害。反反覆覆都有好轉少少。。
而我同weak7就仲係咳。都唔斷尾~~
希望快d好返啦~﹗﹗BB仔病真係好難攪。。
上星期病得最利害果日。發燒中。。
食左藥訓覺。。
食退燒藥。。
鼻鼻長流。。
好返少少。。
鼻鼻依然。。
好彩呔仔除左發燒果兩日。其他時間都係好精神。又成日笑。。
同平時差不多反斗。係訓多左覺。。
同埋今次病病。我覺得佢好似肥左又高左。仲發現佢出緊4隻牙~~
希望佢快D好返啦~~