2012。結婚五週年啦 !!!!!
好開心呀~~~~~
雖然已經過左成個月。但每年既年尾實在太多開心既日子啦~
我地4個既生日啦。同埋結婚紀念日~
其實對於呢個日子。我地又無咩話特別要點慶祝。
但我地D卜友就知。每年我地都返番去註冊既City Hall影相~
夠喇下。咪叫我再生個女喇~哈~~
相士講左我"弄璋成行"呀﹗再生都係仔仔仔…..
唔喇。我而家仲係同佢2個瞓。仲係成晚揾住我架﹗
再生個女。佢2個就要自己瞓。好慘架喇….
同埋都無手拖啦。得2隻。1人1隻岩岩好。weak7要影相。拖唔到架﹗
再多一個。呔仔就無人拖(佢做老大嘛)。點得架?﹗
所以黎緊10幾年都係我地4條友架喇。。
你地不如望細細幾時帶埋個女友黎影啦~ 哈~~~
唔得喎﹗要堅結婚先有份影架﹗
唔係第時個新抱詐晒型。點攪?﹗XDDD
紀念日係12月12日。今年病病地。遲左少少去影~
Dec-18-2012
5年前。就係跟佢黎左呢度。。
轉眼肥呔4歲了。。
父子裝呀﹗﹗
第1次見丫呢~ 哈~ 我都係~~
(Star Pocket Tee @ CurryBee)
親子裝變左"情侶裝"。即刻後生左~ XD
(咩料輯相影到我碌脾咁粗?﹗ 定我堅係肥左呢? ><)
2011….2012
對住佢2個真係好鬼開心(唔勞氣果時..)
哈~ 佢2個攪笑鬼黎架﹗﹗
呔"都唔知佢地笑咩!"
媽"笑下啦仔﹗唔係我摵你架﹗"
細"笑啦Kai仔(細細係咁叫呔)﹗我就快頂唔順架喇…"
呔"係啦﹗E~~~~~~~"
"細噢你抖抖﹗等我黎啦~ 哇哈哈哈~~~~~~"
"唉呀~ 笑到肚痛添….媽咪快D幫我搓下啦……"
"um….Kai仔你咁渣斗架﹗"
"爸爸。我想問你一個問題。你完全無郁過。
係咪瞓擘大眼瞓左呀??" XDDD
未幾。細細又扭奶飲~
有請CurryBee既2位小model﹗﹗
(無錯。由於就手既關係。基本上都係得佢2位 XD)
Blue Dot Pocket Tee on SaiLo
Grey Star Pocket Tee on Tyler
C is for CHOK﹗
2010…..2011…..2012
咁鬼Sweet既。。
好多人話點解我同7無拖手既呢?!
實情係。我地勾緊手指尾…XD
07….08….09…10…11…12
2011…..2012
2011…..2012
"其實。開心好簡單。最緊要好玩~"
2011…..2012
2011….2012
唔該晒我地既紀念日御用影相佬 – 毛揚表叔~ ^^
拜拜啦~ 下年見~~~
話說我不嬲都無著"親子裝"既衝動。。
亦頂唔順"完全一樣"既親子裝~
反而幾欣賞"暗襯"。即係著埋同一個Collection。但唔同色或唔同款~
自己就真係第1之著親子裝。原來感覺好得意~
好似對仔真係自己咁樣 XDDD
我OK啦。反而卜友反應大過我。好多人話著得好溫馨好有Feel~
(堅唔堅呀?﹗)
黎緊CurryBee。我都會 design D"暗襯"親子裝/情侶裝。
等大家"低調地"溫馨一番~ 哈~
今次呢幾款Tee 1月尾 公開發售喇。快D add我地facebook啦~
http://www.facebook.com/pages/CurryBee/347862211970508
多多指教。多謝捧場﹗﹗
見到你地咁sweet真係好幸福,你地每年的相都好令呀,細細同呔仔超有型,真係愛死佢地啦
哈哈`點解今年影既相特別TUNE/SET到咁白光既~~~哈
但係今年D相感覺特別開心~~~
特別係呔仔細細~~
佢地笑到連坐喺OFFICE既我都感受到呢^^
突然諗起你個簡寫C同DP!
哈哈~表揚表叔既簡寫可以叫做MY uncle LOL
好溫馨! 08年weak7抱住呔仔張相, 佢個髮型樣貌同前幾日細細頭髮亂了, 係一模一樣, Kai仔, 細噢好好笑, 你哋一家真係好warm好開心, 也帶比我好多正能量, 月尾仲有得shopping tim, 超like兩件kids wear, 佢兩個著得超好睇, 到時一定支持
好鍾意呢套星星親子裝 (本身我已經我LIKE星星圖案既野), 我一定會買番2大1細, 因好想我地一家三口著黎影親子相.
sweet hehe!!
年年看,都有不同FEEL!!
見到你們甘幸福，真是好開心!!^^
簡簡單單一家人笑笑笑就是快樂、就是幸福！
LOVE ya!!
原來一直睇你地個BLOG已經有好幾年..好似朋友咁..什至有時會翻睇下之前個D!
哈哈..好似睇住呔仔同細細大咁..
見到你地咁開心..我睇完都難免一笑.
不過真係要多D UPDATE下呀..會掛住你地架嘛…
呔仔同細細好幸福有您地做佢地DADDY MUMMY ..幫佢地紀錄哂由出世到大既野.:DDD
細"笑啦Kai仔(細細係咁叫呔)﹗ <—-響office笑爆左出黎