呔仔的聖誕表演。。
登凳﹗Happy 2013﹗﹗﹗
上回講到2012會唔會寫多篇。結果係無。哈~~
仲到10號先寫呢篇。。
真心多謝你地呢班成日入黎"失望"。都仲咁錫我地既卜友仔~
無辦法啦。我地成家人病晒。。
(基本上由9月呔仔返學。斷續病到而家@@)
weak7仲差不多2個星期無返工。以為D仔病好啦。點知覆診又發現中耳炎。。
感冒菌入左耳仔。2個都係。。
監於過時過節。都無響微博講埋晒D病野。大家開開心心嘛~ 哈~~
到而家我地都未清呀﹗7仲有咳。我又喉嚨痛
(食左2個療程消炎藥都仲痛﹗頸仲腫埋。聽日又再去揾醫生><)
細細就好返好多。呔仔就食緊第2個療程消炎藥。
醫生話如果2星期後仲唔好。要入醫院唔知點樣篤穿耳入面等D膿腫流出黎。
雖然話好平常。篤左就唔會再中耳炎。唉~
總之就麻鬼煩啦~
(所以近排2奶果邊我都無咩心機影佢地。請見諒~)
好啦回到……
2012年12月14日
呔仔第1次學校表演呀﹗
果晚7點開始。我地6點已到霸定頭位影相~
見佢都綵排左好多次。果時病緊呀。喪咳@@
有D擔心會影響佢。好彩果晚又OK。咳少左~
我地同細細等緊呔仔上台。。
呔仔讀Church學校。雖然我地不是基督徒。但都respect每個宗教~
而其實我細個都係讀基督校學校。對於聖誕節更係十分喜愛。。
當然啦。我12月25出世嘛~ 哈~~
呔細好鐘意聖誕樹架﹗
真係未見其人。先聞其聲。。
都未上台。就想到有小朋友喊。個心都涼一涼架喇。。
有少少知係自己個仔。因為太清楚佢性格。。
佢最唔鐘意響人面前表演。陌生環境又要媽咪陪住。。
佢個人好慢熱。好低調。。
只係我有一刻諗住佢會OK因為都綵排好多次。。
無諗埋佢面對住咁多觀眾既心情。可能都好緊張。。
無錯﹗一出場。全校係得佢一個喊。仲要爆喊~
都不特止。仲要企正台中間~
好可憐呀肥呔…….
其實個場面係好攪笑。因為太大對比了。。
呢個時候亦聽到好多家長喪笑。因為佢又係喊得太攪笑既。哈~
佢見到我地。仲喊得犀利~
幾驚佢衝落台黎攬我呀。佢無呀﹗哈~ 我覺得佢好叻仔了~
喊完1首歌。回回氣。一陣再喊過﹗XD
同學仔頭都大埋。心諗Tyler喊咩呢??
仲好笑喎﹗條友喊又唔係飲泣。又唔係dup低頭。。
係"仰天長喊"﹗﹗淒涼到呢….問你服未?﹗
隔離同學仔個個落力跳晒舞。都無佢咁搶鏡﹗
呢D咪叻仔囉﹗XDDD
終於喊完2首歌(共唱3首)。又回回氣。真係喊到累。。
此時我閃左去佢前面架喇。諗住一散水就安慰佢~
當我抱起佢時。後面成村觀眾就知道。
原來我係呢個嗲仔個媽咪喇….XDDD
唱完(應該係喊完)2首歌之後。呔仔果班有20分鐘左右休息。
到其他班既小朋友表演。。
響呢個時候我就同左佢去休息室。不停發功。。
主要都係想探討下佢發咩瘟。哈~~
不出所料。都係話唔鐘意響咁多人面前唱歌。淨係想喱埋唱果D啦。。
咁我都好明白既。3 9唔識7。鐘意表演又話啫﹗
拿。做父母就係好多矛盾。我一直都有掙札~
我自問唔多理人地點睇。我理既只會係我自己個仔既感受。。
即係我唔會因為佢做唔到其他小朋友做到既野。就覺得無面。。
老實講我覺得佢幾型添XDDD
小朋友有小朋友既思想。行為。。
佢地既想法我會支持(當然唔係衰野)
但有時又會好矛盾就係。生活於一個社會係需要大家同步。。
即係件事要大家一齊貢獻。先可以完成。。
又無理由支持佢唔做。破壞社會秩序。。
你話係咪好矛盾先﹗哈~~
作為一個媽咪。我唯有收埋我既自我。教佢要做好呢件事。。
就係咁不停同佢傾計。軟硬兼施。
出場時陪埋佢上台咁滯 (我坐正佢前面做埋動作比佢跟)。。
佢就乖乖地完成左第3首歌喇﹗﹗
對於呢個大進步。我感到好欣慰(我諗在場人士都奇怪點解佢無再喊)。
我知道爸爸都好開心~
隻仔跳起舞都有板有眼架~ 哈~~
見到嘛。佢其實一直望住我。。
^^
"傻豬仔。你做得好唔好唔係重點。最緊要係"有進步"﹗"
"你無再喊。媽咪覺得你好叻~ 哈~~"
XD
跟到喎又。仲唱得好大聲添﹗
表演完。Ms Windy就返班房派聖誕禮物 ^^
細細幾開心呀﹗
我諗佢同媽咪一樣。都心痛哥哥喪喊。佢好錫哥哥架。咩都分比佢﹗﹗
細細覺得份禮物佢都有份 XD
"快D開黎睇下啦﹗ (真實對白)"
哇﹗﹗好豐富呀﹗
有得食又有得玩~
成長。係個好漫長既過程~
我會耐心等待。呔仔可以handle一個場面既果一日 ^^
一返課室開心晒。安全嘛。自己地頭 XD
當晚我響Facebook Po左呢段文字:
做完show。老公問我。呔仔一開頭喊成咁。我有冇唔開心?
問得我嘅。我估爸爸應該有少少吧！
我其實想講。無論呔仔表演如何。
響我心中都係做得好好~ 我欣賞佢嘅性格。童真。
見到咁多觀眾嘅反應。同我講佢唔鐘意咁多人。唔鐘意表演。
其實我係有D矛盾.. 因為我內心係認同佢.. 係囉!
我都唔enjoy。做咩要表演比人睇? 人地開心啫。我唔開心喎！
你睇佢喊得幾淒涼。咁細個就＂為世所迫＂..
加上我不嬲唔理人點睇。即使全校得佢一個喊。
佢夠姜響咁多人面前喊都冇衝落台攬我。緊守崗位。響我心中已經好叻仔了！
喊完2首歌。後台我同佢傾計。佢話佢一定會喊埋第3首架！幾型呀！自己決定咗！XD
話唔鐘意咁多人望佢。我叫佢望住我。我坐前面地下。陪佢唱~ 佢話好。應承唔會喊~
我預左佢都係喊架喇… 點知堅冇喊。一直望住我。仲唱得好好做埋動作添！
爸爸喜出望外。深感安慰 ^^
臨瞓前。我問佢點解最尾唱得咁好嘅？
佢話: "因為你響度。我唱比你聽！但我唔會再唱架。我真係唔會再唱架喇.."
我攬住佢。感動到哭了。。