又上倉。。

成日困響屋企既師奶。最容易上網買野~~
不過而家睇既。都好少係自己野。。
多數睇下有咩買比呔仔玩。有咩岩佢用。。
都好既。衫褲鞋襪。再買落去。最後又係一箱箱捐。。
都係遲幾年出黎做野先裝身啦~

前排 target.com買BB尿片濕紙。奶粉。零食等等。。
3件以上全單有8折 + Free Shipping
真係好。唔使自己做咕哩~

上次入左尿片。今次入呔仔糧食。。
 
見target有。買多張比呔仔。一張出街一張屋企用~
呔仔實在太鐘意呢張booster。實在太~~~~~~好訓喇﹗﹗

即時攪亂檔~~

奶粉牆。。
其實一盒可沖20杯8安士。呢度只夠呔仔食兩個零月。。

搭單買既濕紙。其實仲有存貨。不過free shipping。唔使自己搬。。
一箱10包。都好重下架~ 買果時都唔知有wipes box送~ 哈~~

呔仔 & 呔爸媽既零食。星星餅 & 栗米脆條。。
每次呔仔食。我地都會隨手擺入口。因為….好好味~~
特別是 "栗米脆條" (矮樽) 。weak7話好似時興隆一包3碌。中間通窿果隻。。
勁好味﹗﹗ 次次一開。我同weak7都食得快過呔仔。。
盡管呔仔己經好努力塞入口

呔仔自己咬開個罐。倒晒出黎。。
最鐘意一手渣一條。慌死無得食咁。。

"爸爸媽媽。咪食晒人地d BB零食啦~ 比BB架﹗我架﹗﹗﹗"

一手夾三條

間條呔

小帽子? 你係邊族人??

爸爸買既象仔巴士。近期最愛~

"等我欣賞o下媽媽d作品先~~"

呔仔逐頁揭。好似好懂事咁。。

不過。。
最後都係….咬咬咬 -____-""