呔仔。10個月大啦~

日期: 2009年09月03日上午02:18｜回應: 無回應｜瀏覽數

9月2號。湊左呔仔10個月~
呢個月過得好快呀~ 可能呔仔太多變化喇~~

每日都比我發現佢有新進展﹗﹗ 哈~~~

首先。訓覺方面。其實已經好穩定。一覺訓10個鐘~ (大偷笑-ing )
不過上個星期。可能吽上門牙 (未出到)。。
連續幾晚。半夜自己坐起身。又爬來爬去。大嗌 -____-"
大家都好辛苦
而家。又正常返。。

另外就係月頭轉左飲奶粉 – Similac。佢都幾鐘意飲。即戒媽媽奶

粥方面。呔仔終於脫離左 "Baby Food Veggi" 行列~ 哇哈哈哈~~~
佢個懶媽媽。終於的起心肝。整新鮮既菜比佢食。唔使再撈即食菜蓉
其實都唔係我既主意。係呔仔 & 細B 既主意。。
呔仔轉奶粉後開始食少左粥。有時食兩啖就唔肯。。
為左挑起佢既食慾。都要整下新野。。
而細B亦幫大佬拖﹗﹗攪到我一聞到即食菜蓉陣味就想嘔 X____X""

呔仔暫時食過既新鮮菜有 : 菠菜。西蘭花。蕃茄。青豆。豆府
肉方面仍然係雞 & 三文魚

* * *
至於今個月有咩新攪作。。

當然係推車行行啦。而家自己響playpen入面推住學行啦。。
開始敢大膽放手。試行一兩步。。
狂叫"ma ma"後。前晚叫 "ba ba ba ba"。感動到weak7想喊。不過嗌左1次咁多
識比野食我地。幫手放入口 & 聽指令。例如叫佢去攞支奶奶過黎。。
識用牙咬 & 搣開零食放入口。唔再一大舊質晒入口。。
識得清楚表達自己意願。好似好懂事咁
想自己餵野食。成日用手捉我隻匙更。放入佢個口

所以買左套BB餐具比佢。遲下試下比佢self-feed。。
應該會攪到好污糟。不過有得攪亂檔。佢會好開心啦~ 哈~~

做哥哥喇。好快有個細佬陪你玩。諗起都開心~~
呔仔除左自己有個細佬之外。仲係一班BB朋友既大哥哥添~~

雖然我班朋友。個個都想我生個女。猛話 "邊有人有個仔仲想要仔架~﹗﹗"
打比Shirley。我都未出聲。佢已經不斷嗌 "囡囡囡囡….."
哈哈哈~~
我地就覺得。兩兄弟梗係好玩好多啦。。
可以週屋玩剝褲(爸爸都有份玩)。兩個一齊沖涼。逼入馬桶噓噓。。
玩車車。踢波。。
做咩都有個伴。有個好開心。好百厭既童年
再講。大個一齊去玩。溝女。傾計都岩咀形D。。

兩兄妹唔係唔好。。
我有個哥哥。其實童年都過得十分開心~
不過我記得。我係一個牛黃妹﹗﹗跟住阿哥玩。。
細個響走廊玩玩下。個個熱到除晒衫 (阿哥 + 隔離屋2個仔)。我又除﹗﹗
比媽咪見到。叫返我入屋著衫~~