呔仔。九個月大

同上個月唔同既。大慨係呢幾樣。。
 ** 已經行黎行去。踩上踩落。當然。係要有野扶住。。
** 爬得好快。一閃即過。。
** 會講 "媽媽"。講得好清楚。不過多數係扭計。想食奶。想痴埋黎。。
或者係爸爸蝦佢。專登捉住佢唔比佢爬過黎
** 有兩隻下門牙仔。。
** 8個月時開始食肉。食左一月雞 & 三文魚
** 同爸爸一樣。唔鐘意食青豆。落青豆果餐。一定食唔晒
** 頭髮多左。長左好多。。

醫生話9個月開始可以食一片片既cheese & bb 乳酪。。
呔仔既食物。又多左變化啦~~
呢個仔最鐘意食野。我諗。佢係 "會比一粒糖呃走左" 果d細路

食野方面。其實同上個月無咩改變。。
一樣係3-4餐埋身奶奶
午晚。共2餐大兜粥
3點3多數係麥包。生果
小食菜米餅。星星餅。乳酪。芝士等
餐後飲水

由於一直埋身餵奶。9個月以來。都唔知佢食幾多安士。。
一直佢都食得好快。食一餐用5-10分鐘左右。。
有時我都懷疑佢夠唔夠營養。。
不過醫生話佢一直有重。就 = 夠
但而家有細B爭食。。
我又怕我食唔夠。到時呔仔 & 細B都唔夠營養。就麻煩喇~~

預備生左細B後。呔仔要跟爸爸訓。。
所以而家開始要爸爸暗訓。唔可太痴我喇~~
( 雖然暗完。訓著後都係放返響我身邊 )

登。凳﹗﹗呔仔9個月大既生日禮物~~
IKEA 浴盆一大個
呔仔好鐘意呢。一坐落去。自己係咁笑~~