呔仔7個月大。食粥
( 都係老公琴晚提醒我先記得
)
好似好快。其實已經發生左好多開心事。。
睇返呔仔出世果排既相。真係勁過癮。好回味啦~~
寫卜。就係有咁既好處
19磅呔仔。有人話肥有人話瘦。。
但其實。只要健健康康。肥D瘦D。無所謂啦~~
百厭仔又識多左野。。
坐得好穩陣。不過太開心會反艇。。
gut 起蘿柚想爬。對腳撐呀撐。但手臂未識向前推。。
講好多野。嘰呢咕囉。間唔中會有幾聲 "ma ma… ma ma…" 媽媽勁開心。。
鐘意勁打勁 fing手上既東東。meet爛d紙。好暴力。。
鐘意用手大大力渣你手臂。渣你條頸。扯頭髮。扯眼鏡。。
鐘意企。彈彈彈。。
一向食得不錯既呔仔。前幾日玩絕食呀~~﹗﹗
每次糊仔。食一啖。就木埋個咀。。
質佢食。就會大嗌。個身向後反~~
好不容易餵左成粒鐘。先食晒大半兜 6安士。。
轉個頭。嘔返兩兜出黎 (連埋胃酸)
真係有性格。同媽媽細個一樣硬頸~~ (真係自作自受)
哼﹗你夾硬質入口。比你質到又點。我唔吞﹗
你 lin住我個鼻要我吞。我吞左。消化完。都要嘔返出黎﹗﹗
嘿嘿嘿~~ 無人可以迫我做d 我唔想做既事﹗﹗﹗
既然餐餐餵到咁。又驚佢唔食野會無營養。。
爸爸放工買左盒粥仔返黎。。
試下沖比佢食。睇下鐘唔鐘意~~
哇~~ o習o習o習。一啖接一啖。餵慢d 都大叫~~
原來隻衰仔鐘意食粥﹗﹗﹗
又幾識食噃。呢盒野。6蚊美金。一盒4包。。
citysuper都有。好似40蚊港紙。。
一日三餐。好快食窮我地。。
媽媽係時候出手喇~~~~ 嘿嘿嘿~~~~~
我煮野食色香味俱全。就係人都知架啦~~
上次煮飯。恐怖。年幾前喇 —> 第一次下廚。。
阿仔。你人仔細細。未食過好野。應該對媽媽煮既野好滿意既~~
開始 : 米半杯
煲前用熱水浸米一個鐘。。
加5杯水。邊煲邊攪。直至起泡泡。飯亦變爛。。
大半個鐘左右。。
白粥。加不同既蔬菜。食得﹗﹗
睇BB書。話如果食蔬菜既話。最好食pack好既。即一盒盒現成。。
因為自己買黎煮。好多時唔知邊度入口既蔬菜。會有農药。。
大人無問題。BB太細。就唔係咁安全。。
哇~~﹗﹗ 大條道理懶~~
開心仔。7個月食媽媽粥~~
好快口。食左半碗。。
等我偷偷加多半兜squash先~~
唔使10分鐘。食晒10安士。yeah~~﹗﹗
"好野~ 媽媽話我乖~~"
努力食。媽媽想你健健康康呀~~﹗