呔仔。2年級的第一天


2016年8月17日。呔仔。2年級的第一天。。

好想記低呢個心情既自己。所以真係要寫卜…..

好似好耐都無響卜講過呔仔細細既轉變。以前會寫

佢地唔同年紀既性格。有FB後。的確懶左。。

大家都係響FB見到佢地既相片。與及一D caption。

可以感受到佢地既卜友其實好多。真係好多人睇住佢地長大~

琴日係呔仔升2年級。細細升1年級既第一日。

送佢地返學既時間。呔仔明顯長大了。唔再抓住我衫尾行。

好利落咁同我say拜拜。而細細反而好笠水咁喊住走。。

擔心其實唔多。都知細細好快可以適應到。

反而係開心呔仔好似好excited about his new class….

到放學喇。見到細細。老師話佢好乖。好快pick up到。

到呔仔出黎時。老師無特別搵我既。係我想等老師影張相。。

結果老師同我講 Tyler got a yellow card today…..

果刻個人係好驚訝架喎!!@@~

開開心心第1日返學。何解可以3粒鐘之內罰黃牌呢??

呢個絕對唔係會發生響我自己湊左近8年既呔仔身上。。

據老師所講。呔仔多次 not paying attention….

咁老師有問。佢有無咩medical history…

我諗係問緊我佢有無過度活躍症之類。。

我唔知有無提過。呔仔係個好古怪既細路。

我自問都唔係一個好正常既人。佢係由細到大。

都唔可以好專心咁一心一意去聽你講野。

佢隻手,佢對腳,一定係攪緊其他撩緊其他野。。

可能唔會望實你。但佢係絕對聽緊同可以完全正確回應你。。

呢樣野。靚仔阿sir同上年1年級老師都有發現&提及過。。

佢又未到過度活躍要尖叫呀企起身四圍行。但一定係郁身郁勢果渣~

好啦。老師話要同佢戒sugar。要grab more Protein令佢可以定當D….

當刻其實我已經開始自責…有D覺得咁耐以黎係咪自己教錯佢…

係。我係開始進入左一個牛角尖mode…….

之後走啦。一路行其實一路問緊呔仔發生咩事。點解會咁樣…..

據呔仔所講。佢當時係畫緊Folder Cover。佢畫完改左D野。

而每次改左既drawing佢好想行去比老師睇。

老師叫返佢埋位。佢畫完又再行過去。結果行多兩行。

就被黃牌了………

唔知點解。我聽完之後好想喊…我覺得個心好痛……

但其實我知我咁樣感覺係好錯好錯。我開始諗到我錯響邊度….

加上朋友聽到之後。話留意到我其實好縱佢。

我擺佢地太prior。唔係講緊物質上。係講緊心靈上。

兩個仔真係我會盡力照顧既人。我唔顧自己都會顧左佢地先!

但我唔知道原來我太available。係反而害左佢地。

特別是呔仔既性格。佢無細細咁獨立。

佢痴得我太緊要。我再唔放手係我錯……

但我果刻個感覺其實好矛盾。唔識點講。即係其實你好知道

一個在逆境成長中既人,長大後一定係堅壯既!

但好多位就係,你該何時放手比D逆境佢地去面對下咁呢??

其實之前再細個D既時候。都試過有呢D爭札位。

但今次唔同。當中係夾雜左好多不安。擔心。個人亂左….

個老師其實我有觀察。但琴晚真係未知咩狀況。

究竟係呔仔個問題真係咁serious?  定會唔會老師係有左偏見?

因為過去2年呔仔響學校既表現唔差。

所以一時間接受唔到呢個老師好似好harsh咁。。

然後我梗係開始亂諗啦。又心痛個仔印象唔好的話。

黎緊呢年難捱喇…. 愈諗愈灰。攪到個人好down…..

好彩臨訓有朋友仔開解下。個心先叫放開返少少~

好喇!到今朝。真係好得意架喎!

出門口望住個天空。覺得仲可以望到個天咁光咁靚。

其實有咩咁大件事要諗得咁複雜?!

又好得意咁。見到朋友有個FB Status 寫住 “坎坷過後有艇搭!正能量!!"

我堅係信左。之後睇D野開始靚返。

我就知道。亂諗野引致好不安既一夜過去了~

結果返到學校。見到呔仔既老師。我突然覺得好感動。。

望住呢個老師既行為。可能我係之前唔了解佢。所以個人慌慌地。

加上果個係肥呔。真係望見佢個樣都想蝦下佢咁樣架!

變左自己都諗多左既。然後今朝再觀察下個老師。

見到佢做左一件我響呢間學校幾年都唔見有老師會咁做既事。

我見到全校人入晒課室。佢仲響核心外圍嗌緊number叫佢班學生排隊。

排隊要企直。面向前面。同家長們揮手拜拜。之後唔好再擰轉頭喇喎!

慢慢行入核心內圍後 (因我要去office整野) 我又聽到佢同班同學仔講。

呢度進入左接近班房既地方。大家唔可以高談闊論。行路要細聲。

學校範圍唔可以跑。一個跟一個。行直D ……..

果刻我看在眼裡。真係諗起香港讀書時編號。香港返學就係咁樣既規例。

老實講。我響度讀左咁多年書。真係無聽過有老師會咁樣教。

突然之間。我覺得呔仔好好彩。好幸福可以入到呢個老師呢班~

一向"美國精神 hea到不能"既呔仔。今次有救了!!!

加上琴晚朋友講左句 : 放比老師教下好架!有時自己點教都唔係果回事!

我開始學懂去放手。因為我好同意。自己就算覺得自己教得幾好都好。

人地教你個仔唔會手下留情。咁先係真正對佢好!

等於我成日同呔仔細細講。會鬧你會教你既人其實先係愛你既人。

咩都就晒你地既係害緊你。你唔鐘意唔代表對你唔好。

大個仔喇真係要識分 岩同錯。好同壞!

然後呢。老公放學搵左老師傾幾句喎。

琴日大家都太匆忙。都想了解番呔仔其實咩事?

之後掂喇!7 同老師傾完行返出黎既時候。

讚呢個老師非常好!係好嚴好有紀律。

但同時亦好錫班學生。好有心機教好班小朋友!

同埋經過傾談。老師好鐘意我地平時管教呔仔既方法。

講緊無比佢地篤電話篤ipad。車上唔裝電視仔等….

其實老師係好鐘意家長同小朋友溝通互動。

而唔係掟幾部電話比小朋友自生自滅!

7話今次咁樣傾下。對雙方都係好事。

同埋老師話呔仔今日已有改善。無琴日咁發夢。

可能係開學第一日。未進入狀態。

話呔仔只要改善上堂唔專心呢樣野。其他無問題。係一個smart boy!

好喇。講到呢度。大家同我自己都鬆一口氣了。

而我更期待既係。呔仔返完呢一年學。可以改善到佢既壞習。

同埋變成一個有紀律既人!!

諗返轉頭。其實琴晚咁樣都係好事。起碼自己留意到

有D問題係要面對。有D湊仔態度係要隨住佢地年紀改變。

唔可以再保護得咁緊要。都要放手比佢地跌下痛下~

希望做得到啦!緊張呔仔的朋友。唔使擔心喇。

一齊期待佢接受軍訓式教導後的轉變吧 hahaha ^^

13912659_10153860382591586_8435633474513754588_n 核心外圍…… 14063784_10153860382356586_3389753280773739556_n

核心內圍…….14054103_10153860381981586_8793150816336959526_n

 

 

 

 

 

還有好多我們家的最新動態在FB專頁上唷!歡迎點Like加入大家庭! »